ന്യൂയോര്‍ക്ക്: ദീര്‍ഘകാലമായി അമേരിക്കയിലെ ന്യൂയോര്‍ക്കില്‍ സ്ഥിരതാമസമായിരുന്ന കൊല്ലം കാര്‍ത്തികപ്പള്ളി പടനിലത്ത് കുടുംബാംഗം ശ്രീ.ജോസഫ് ജോണ്‍ (ബിനു-53) ജൂലൈ 16-ാം തീയതി വ്യാഴാഴ്ച സ്റ്റാറ്റന്‍ ഐലന്റില്‍ അന്തരിച്ചു. സ്റ്റാറ്റന്‍ ഐലന്റ് സെന്റ് മേരീസ് മലങ്കര ഓര്‍ത്തഡോക്‌സ് പള്ളി ഇടവകാംഗമാണ്. പൊതുദര്‍ശനവും, അനുസ്മരണവും, മരണാനന്തര ശുശ്രൂഷകളും ജൂലൈ 19, 20 (ഞായര്‍, തിങ്കള്‍) ദിവസങ്ങളിലായി സ്റ്റാറ്റന്‍ ഐലന്റില്‍ നടക്കും.

പരേതന്‍ ദീര്‍ഘകാലം ന്യൂയോര്‍ക്ക് സിറ്റി ട്രാന്‍സിറ്റ് അതോറിറ്റിയില്‍ (MTA) എഞ്ചിനീയറായി സേവനമനുഷ്ഠിച്ചിരുന്നു. ശ്രീമതി ലിബിനി ജോണ്‍ (സ്റ്റാറ്റന്‍ ഐലന്റ് യൂണിവേഴ്‌സിറ്റി ഹോസ്പിറ്റല്‍ പാലിയേറ്റീവ് ആന്റ് ആന്റികോഗുലേഷന്‍ വിഭാഗം ഡയറക്ടര്‍) സഹധര്‍മ്മിണിയും ജെന ജോണ്‍ (പി.ജി. വിദ്യാര്‍ത്ഥിനി), ജോഷ്വാ ജോണ്‍ (മെഡിക്കല്‍ വിദ്യാര്‍ത്ഥി) എന്നിവര്‍ മക്കളുമാണ്.

കാര്‍ത്തികപ്പള്ളി പടനിലത്ത് പരേതനായ ജോണ്‍ പി. തോമസ് (ജോണ്‍ സാര്‍), പൊടിയമ്മ ജോണ്‍ എന്നിവരാണ് മാതാപിതാക്കള്‍. തോമസ് ജോണ്‍ (ബിജു), സുബി സാം കൊപ്പുല സഹോദരങ്ങളും സാം കൊപ്പുല സഹോദരീ ഭര്‍ത്താവുമാണ്.