ലണ്ടൻ: തിരുവല്ല വളഞ്ഞവട്ടം പുത്തൻവിളയിൽ പി.റ്റി തങ്കച്ചന്റെയും റാഹേൽ തങ്കച്ചന്റെയും ഏക മകൻ അജയ് പോൾ വർഗ്ഗീസ്(41) മെയ്‌ 18 തിങ്കളാഴ്ച്ച ജോലിക്കിടെ ശാരീരിക അസ്വസ്ഥത തോന്നി വീട്ടിലേക്ക് മടങ്ങാൻ ഒരുങ്ങവേ കുഴഞ്ഞ് വീണ് മരിച്ചു.  ഒറ്റയ്ക്ക് മടങ്ങാതിരിക്കുവാൻ സഹപ്രവർത്തകർ ഭാര്യയെയും ജോലി സ്ഥലത്തേക്ക് വിളിച്ച് വരുത്തിയിരുന്നു. ഉടൻ തന്നെ അടിയന്തര വൈദ്യസഹായം ലഭ്യമാക്കിയെങ്കിലും ജീവൻ രക്ഷിക്കാനായില്ല.

നോട്ടിങ്ങാം ക്വീൻസ് മെഡിക്കൽ സെന്ററിലെ ജീവനക്കാരാനും, ലെസെസ്സ്റ്റർ സെന്റ് ജോർജ് ഇന്ത്യൻ ഓർത്തഡോക്സ് പള്ളിയിലെ അംഗവും, മദ്ബഹാ ശുശ്രൂഷകനും സൺ‌ഡേ സ്കൂൾ അധ്യാപകനും ആയിരുന്നു പരേതൻ. തിരുവല്ല വളഞ്ഞവട്ടം സെന്റ് ജോർജ് ഓർത്തഡോക്സ് പള്ളിയിലെ അംഗമായ  അജയ് പോൾ വർഗീസ് 2022 ലാണ് യു കെ യിൽ കുടുംബമായി എത്തുന്നത്.

ഭാര്യ : ശ്യാമ അജയ്.  ഏക മകൾ : അയാൻ എൽസ പോൾ (9).

പൊതു ദർശനവും സംസ്കാരവും സംബന്ധിച്ച വിവരങ്ങൾ പിന്നീട്.

വാർത്ത : പ്രസാദ് തീയാടിക്കൽ