അബ്രാഹം ലൂക്കോസ് വാഴയില്‍ (കുഞ്ഞുമോന്‍)   വയസ് 92, 2026 ജനുവരി 18-ാം തീയതി ഞായറാഴ്ച വൈകുന്നേരം 6:10-ന്, മില്‍ഫോര്‍ഡ് റീജിയണല്‍ ആശുപത്രിയില്‍, കുടുംബാംഗങ്ങളുടെ സാന്നിധ്യത്തില്‍ കര്‍ത്താവില്‍ നിദ്ര പ്രാപിച്ചു.

1933 മാര്‍ച്ച് 28-ന് കേരള സംസ്ഥാനത്തിലെ ചങ്ങനാശ്ശേരി സമീപമുള്ള വേളിയനാട് ഗ്രാമത്തില്‍, ടി. അബ്രാഹവും ചാച്ചിക്കുട്ടി വാഴയില്‍ ദമ്പതികള്‍ക്കും ജനിച്ച പരേതന്‍, പതിനാലു മക്കളില്‍ രണ്ടാമത്തെ മുതിര്‍ന്നവനായിരുന്നു.

അദ്ദേഹം ചങ്ങനാശ്ശേരിയിലെ എസ്.ബി. ഹൈസ്‌കൂളിലും എസ്.ബി. കോളേജിലും വിദ്യാഭ്യാസം നേടി. തുടര്‍ന്ന് മൈസൂരിലെ സെന്റ് ഫിലോമീനാസ് കോളേജില്‍ നിന്ന് ബിരുദവും, അലിഗഢ് മുസ്ലിം യൂണിവേഴ്‌സിറ്റിയില്‍ നിന്ന് എം.എയും എല്‍.എല്‍.ബി. ബിരുദങ്ങളും നേടി. അലിഗഢ് മുസ്ലിം യൂണിവേഴ്‌സിറ്റിയില്‍ പഠിക്കുന്ന കാലത്ത് റൈഡിംഗ് ക്ലബിന്റെ ക്യാപ്റ്റനായി സേവനമനുഷ്ഠിച്ചിട്ടുണ്ട്. നിയമവിദ്യാഭ്യാസം നേടിയിരുന്നുവെങ്കിലും, പിന്നീട് സ്വദേശത്തേക്ക് മടങ്ങി കുടുംബത്തിന്റെ കാര്‍ഷികവും വ്യാപാരപരവുമായ കാര്യങ്ങള്‍ നിര്‍വ്വഹിച്ചു.

പരേതന്‍ എ.വി. ജോര്‍ജ് & കമ്പനി, ടി.ആര്‍. & ടി. കമ്പനി എന്നിവയില്‍ പ്രവര്‍ത്തിച്ച് റബ്ബര്‍ എസ്റ്റേറ്റുകളുടെ നടത്തിപ്പിന് നേതൃത്വം നല്‍കി. തുടര്‍ന്ന് നെന്മേനി, മുണ്ടക്കയം എല്‍ഡോറാഡോ എസ്റ്റേറ്റുകളില്‍ സൂപ്രണ്ടായി സേവനം അനുഷ്ഠിച്ചു. 1987-ല്‍ അമേരിക്കയിലേക്ക് കുടിയേറി, മസാച്യൂസെറ്റ്‌സിലെ മാര്‍ല്‍ബറോ ഷെല്‍ കാര്‍ വാഷ് & കണ്‍വീനിയന്‍സ് സ്റ്റോര്‍ ഉടമസ്ഥതയില്‍ നടത്തി.

ക്‌നാനായ സമുദായത്തോടും മലങ്കര സുറിയാനി ഓര്‍ത്തഡോക്‌സ് സഭയോടും അഗാധമായ ഭക്തിയും പ്രതിബദ്ധതയും പുലര്‍ത്തിയിരുന്ന അദ്ദേഹം, ക്‌നാനായ യംഗ് മേന്‍സ് അസോസിയേഷന്‍ (K.Y.M.A) സെക്രട്ടറിയായും, 1974 മുതല്‍ 1980 വരെ തുടര്‍ച്ചയായി മൂന്നു കാലാവധികളില്‍ മലങ്കര സുറിയാനി ക്‌നാനായ സമുദായത്തിന്റെ സെക്രട്ടറിയായും സേവനമനുഷ്ഠിച്ചു. പരിശുദ്ധ അബ്രാഹം മോര്‍ ക്ലെമിസ് മെട്രാപ്പോലീത്തയുടെ അടുത്ത ഉപദേഷ്ടാവായിരുന്ന അദ്ദേഹത്തിന്, പരിശുദ്ധ ഇഗ്‌നേഷ്യസ് സക്കാ ഒന്നാമന്‍ ഇവാസ് പാത്രിയര്‍ക്കീസില്‍ നിന്ന് പാത്രിയര്‍ക്കല്‍ പീസ് മെഡല്‍ നല്‍കി ആദരിച്ചു.

ഭാര്യ വിമല, മക്കളായ ചാച്ചു (ബിജു), ബാബു (പരേതയായ ജാനറ്റ്), സുനില്‍ (പ്രിമ), മെരു (എഡ്ഗര്‍), ജോപ്പു (ടിനു), ഒന്‍പത് കൊച്ചുമക്കള്‍, ആറു പ്രപൗത്രര്‍ എന്നിവരാണ് ശേഷിപ്പുള്ളത്.

''ചോക്ലേറ്റ് അപ്പച്ചന്‍'' എന്ന സ്നേഹനാമത്തില്‍ അറിയപ്പെട്ടിരുന്ന പരേതന്‍, തന്റെ സ്‌നേഹവും ഉദാരതയും കൊണ്ട് കുട്ടികളുടെ ഹൃദയങ്ങളില്‍ പ്രത്യേക സ്ഥാനം നേടിയിരുന്നു.

ശരീരം കാണുന്നതിനുള്ള സമയം (Wake):

2026 ജനുവരി 23, വൈകുന്നേരം 4:00 മുതല്‍ 8:00 വരെ

സംസ്‌കാര ശുശ്രൂഷയും പരിശുദ്ധ കുര്‍ബാനയും:

2026 ജനുവരി 24, രാവിലെ 9:00 മണിക്ക്

സ്ഥലം: സെന്റ് സ്റ്റീഫന്‍സ് ക്‌നാനായ പള്ളി, മെയ്നാര്‍ഡ്, മസാച്യൂസെറ്റ്‌സ്

സംസ്‌കാരം:

സെന്റ് ബ്രിഡ്ജറ്റ്സ് സെമിത്തേരി

പുഷ്പങ്ങള്‍ക്ക് പകരം, സെന്റ് സ്റ്റീഫന്‍സ് ക്‌നാനായ പള്ളി മുഖേന (Zelle) ക്ലെമിസ് ഫണ്ട്, വിധവാ ഫണ്ട്, അല്ലെങ്കില്‍ മോര്‍ സെവേറിയോസ് എഡ്യൂക്കേഷണല്‍ ട്രസ്റ്റ് ഫണ്ട് എന്നിവയിലേക്ക് സംഭാവനകള്‍ നല്‍കാവുന്നതാണ്.