Image

നന്ദി പൂർവം (താങ്ക്സ്ഗിവിങ് കവിത :ജയൻ വർഗീസ്)

Published on 17 November, 2026
നന്ദി പൂർവം (താങ്ക്സ്ഗിവിങ് കവിത :ജയൻ വർഗീസ്)

ആപേക്ഷികത്തിന്റെ 
നൂലിഴയിൽ നി -
രാപേക്ഷികത്തിന്റെ 
നേർ വരയിൽ 
ആയിരം കോടി 
യുഗങ്ങൾ കൊരു -
ത്തനായാസം ചരിക്കും 
പ്രപഞ്ച ശിൽപ്പീ,

ആകാശ നീലിമ - 
ക്കപ്പുറത്തായിര - 
മാകാശ ഗംഗകൾ - 
ക്കപ്പുറത്തും 
ആദിയുമെന്തവു - 
മൊന്നു ചേരുന്നിട - 
ത്താരു നീ എത്രയോ 
ഭാവോജ്ജ്വലൻ !

ആദിത്യനിൽ നി - 
ന്നടർന്നു യുഗങ്ങളി - 
ലാറിത്തണുത്തൊരീ 
ഭൂസരസ്സിൽ 
ആയിരം മോഹവു- 
മായി വിടരുമോ - 
രാമ്പൽപ്പൂ മൊട്ടു ഞാൻ 
നിന്റെ മുന്നിൽ !

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക