ന്യൂയോർക്ക് - റോക്ക്‌ലാൻഡ് കൗണ്ടിയിലെ നയാക്കിൽ  നാഷണൽ ഇന്ത്യൻ നഴ്‌സ് പ്രാക്ടീഷണേഴ്‌സ് അസോസിയേഷൻ ഓഫ് അമേരിക്ക (നിൻപാ) സംഘടിപ്പിക്കുന്ന ദേശീയ നഴ്സിംഗ് സമ്മേളനം 2026 നവംബർ 14 ശനിയാഴ്ച നയാക്ക് സീപോർട്ടിൽ നടക്കും. നഴ്‌സ് പ്രാക്ടീഷണർമാരെയും രജിസ്റ്റേഡ് നഴ്‌സുമാരെയും അഡ്വാൻസ്ഡ് പ്രാക്ടീസ് രജിസ്റ്റേഡ് നഴ്‌സുമാരെയും സമ്മേളനത്തിലേക്ക് ക്ഷണിക്കുന്നു. സമ്മേളനത്തിന് ഇനി ഏതാനും ദിവസങ്ങൾ മാത്രം. ഇന്നുതന്നെ രജിസ്റ്റർ ചെയ്യൂ. www.ninpaa.com

“തിരിച്ചറിയുക, പുനർനിർമിക്കുക, ഉയരുക — നഴ്സിംഗിന്റെ ഭാവിക്കായി ഒരുമിച്ച് മുന്നേറാം” എന്നതാണ് സമ്മേളനത്തിന്റെ പ്രമേയം. വിവിധ മേഖലകളിൽ വൈദഗ്ധ്യമുള്ള ആറ് പ്രഭാഷകർ പങ്കെടുക്കുന്ന സമ്മേളനത്തിൽ അമേരിക്കൻ അസോസിയേഷൻ ഓഫ് നഴ്‌സ് പ്രാക്ടീഷണേഴ്‌സ് (AANP) അംഗീകരിച്ച ആറ് തുടർവിദ്യാഭ്യാസ ക്രെഡിറ്റുകൾ (CE) നേടാം.

മുഖ്യപ്രഭാഷക ഡോ. ആൻമേരി മക്‌ഡെർമോട്ട്, രോഗിപരിചരണത്തിൽ നിർമിതബുദ്ധി (AI) സുരക്ഷിതമായും ഉത്തരവാദിത്തത്തോടെയും എങ്ങനെ ഉപയോഗിക്കാമെന്ന് വിശദീകരിക്കും. ഗവേഷണ പോസ്റ്റർ അവതരണങ്ങളും പ്രദർശനങ്ങളും സമ്മേളനത്തിന്റെ ഭാഗമാണ്. പ്രഭാഷകരുടെ സമ്പൂർണ പട്ടികയും പരിപാടിയുടെ വിശദാംശങ്ങളും ഇതോടൊപ്പമുള്ള ഫ്ലയറിൽ ലഭ്യമാണ്.

വൈകുന്നേരം 4:30 മുതൽ 7:30 വരെ നടക്കുന്ന നഴ്‌സ് പ്രാക്ടീഷണർ വാരാഘോഷത്തിലും നിൻപായുടെ പത്താം വാർഷിക ഗാലയിലും ഏവർക്കും സ്വാഗതം. നഴ്‌സ് പ്രാക്ടീഷണർമാരുടെ സേവനങ്ങളെ ആദരിക്കുകയും നിൻപായുടെ പത്തുവർഷത്തെ പ്രവർത്തനങ്ങൾ ആഘോഷിക്കുകയും ചെയ്യുന്ന ചടങ്ങിൽ പത്താം വാർഷിക സ്മരണിക പ്രകാശനം ചെയ്യും.ആദരിക്കുകയും പത്താം വാർഷിക സ്മരണിക പ്രകാശനം ചെയ്യുകയും ചെയ്യും. ഏവർക്കും സ്വാഗതം!

കൂടുതൽ വിവരങ്ങൾക്ക് ബന്ധപ്പെടുക

   ഡോ. ആനി പോൾ, നിൻപാ ചെയർമാൻ — 845-304-1580
   സാറ അമ്പാട്ട്, നിൻപാ പ്രസിഡന്റ് — 845-507-2836
   സോണി പോൾ, നിൻപാ സെക്രട്ടറി — 972-679-5593
   ഡോ. റെബേക്ക പോത്തൻ, നിൻപാ ട്രഷറർ — 845-842-8000