Image

സർഗ്ഗദേവതേ, സരസ്വതി ! (രാജരാജേശ്വരി)

Published on 06 November, 2026
സർഗ്ഗദേവതേ, സരസ്വതി ! (രാജരാജേശ്വരി)

വിദ്യാവിനോദിനി ശ്രീദേവി
സരസ്വതി ദേവി ജഗദംബേ
എങ്ങും മുഴങ്ങുന്നു നിൻ നാമം
എങ്ങും നിറയുന്നു നിൻ രൂപം

വിണ്ണിൽ നിറയുന്നു നിൻ രൂപം
മണ്ണിൽ ഒഴുകുന്നു നിൻ നാദം
നവനവ ഭാവത്തിൽ നീ അണഞ്ഞു
നവനവ നാമത്തിൽ പൂജയേറ്റു

വീണയിൽ നാദം ഒഴുക്കിയ നീ
വേദിയിൽ വിജ്ഞാനദാനമേകൂ
ജ്ഞാനാംബികേ ദേവി പ്രപഞ്ചമാതേ
അനുഗ്രഹവർഷം ചൊരിഞ്ഞീടണമേ

ദീപമായ് തെളിയുന്നു നീ എങ്ങും
ശാന്താകാരേ ശ്രീലളിതേ
വെണ്ണിലാവുദിച്ചപോൽ നീ പകരും
ദീപ്തിയാലെങ്ങും വിളങ്ങിടട്ടെ

സരസ്വതി നമസ്തുഭ്യം വരദേ കാമരൂപിണി
വിദ്യാരംഭം കരിഷ്യാമി
സിദ്ധിർ ഭവതു മേ സദാ
****
 

Join WhatsApp News
George 3 2026-11-07 03:49:25
Very good . Keep it up
Hari 2026-11-07 17:40:06
ഭക്തിസാന്ദ്രമായ രചന അഭിനന്ദനങ്ങൾ
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക