ന്യൂയോർക്ക്: യുഎസ് കോൺഗ്രസ് അംഗം ടോം സൗസിയുടെ പുനർതിരഞ്ഞെടുപ്പ് പ്രചാരണത്തിന് പിന്തുണയുമായി ഇന്ത്യൻ അമേരിക്കൻ സമൂഹം. ഒക്ടോബർ 13 ചൊവ്വാഴ്ച യൂണിയൻഡെയിൽ മാരിയറ്റ് ഹോട്ടലിൽ നടന്ന പ്രചാരണ പരിപാടിയിൽ 700-ലേറെ പേർ പങ്കെടുത്തു.

ഇന്ത്യൻ അമേരിക്കൻ സമൂഹത്തിലെ പ്രമുഖരും വിവിധ സംഘടനാ നേതാക്കളും പരിപാടിയിൽ പങ്കെടുത്ത് സൗസിയുടെ തിരഞ്ഞെടുപ്പ് പ്രചാരണത്തിന് പിന്തുണ അറിയിച്ചു. കളത്തിൽ വർഗീസ്, കോശി തോമസ്, ജോർജ്ജ് എബ്രഹാം, അലക്സ് എസ്തപ്പാൻ, ജോൺസൺ സാമുവൽ, റെജി കുര്യൻ എന്നിവരടക്കമുള്ള സാമൂഹിക നേതാക്കൾ സംയുക്തമായാണ് പരിപാടി സംഘടിപ്പിച്ചത്.

ഇന്ത്യൻ അമേരിക്കൻ സമൂഹത്തിന്റെ സജീവ പങ്കാളിത്തവും രാഷ്ട്രീയ ഇടപെടലും പ്രകടമാക്കിയ പരിപാടിയിൽ നിരവധി കമ്മ്യൂണിറ്റി നേതാക്കളും പ്രവർത്തകരും അണിനിരന്നു. സോസിയുടെ പുനർതിരഞ്ഞെടുപ്പ് പ്രചാരണത്തിന് സമൂഹത്തിന്റെ പിന്തുണ ഉറപ്പാക്കുന്നതിൽ പരിപാടി ശ്രദ്ധേയമായി.