അമേരിക്കയിൽ കുറ്റവാളിയുടെ വധശിക്ഷ തത്സമയം സംപ്രേഷണം ചെയ്യാനുള്ള പെന്റഗണിന്റെ തീരുമാനത്തിനെതിരെ വത്തിക്കാൻ സ്റ്റേറ്റ് സെക്രട്ടറി കർദിനാൾ പിയെത്രോ പരോളിൻ മാധ്യമപ്രവർത്തകരോട് സംസാരിച്ചു.

2009-ലെ ഫോർട്ട് ഹുഡ് വെടിവെപ്പിൽ ശിക്ഷിക്കപ്പെട്ട മുൻ ആർമി മേജർ നിദാൽ ഹസ്സന്റെ വെടിയുതിർത്തുള്ള വധശിക്ഷ തത്സമയം പ്രദർശനം ചെയ്യാനുള്ള തീരുമാനത്തെക്കുറിച്ച് പരാമർശിക്കവെ, മരണത്തെ ഇത്തരം രീതികളിൽ പ്രദർശിപ്പിക്കുന്നത് ഒരു തരത്തിലും അംഗീകരിക്കാനാവില്ലെന്ന്, വത്തിക്കാൻ സ്റ്റേറ്റ് സെക്രട്ടറി  കർദിനാൾ പിയെത്രോ പരോളിൻ പറഞ്ഞു. വിശുദ്ധ ജോൺ ഹെൻറി ന്യൂമാനുമായി ബന്ധപ്പെട്ട് റോമിൽ സംഘടിപ്പിച്ച പരിപാടിക്കിടെ മാധ്യമങ്ങളോട് സംസാരിക്കുകയായിരുന്നു അദ്ദേഹം.

ഒരു വ്യക്തി കുറ്റവാളിയാണെങ്കിൽ പോലും ശിക്ഷിക്കാൻ മറ്റ് മാർഗ്ഗങ്ങളുണ്ടെന്ന് അദ്ദേഹം ഓർമ്മിപ്പിച്ചു. വധശിക്ഷയോട് കത്തോലിക്കാ സഭ പൂർണ്ണമായും എതിർത്തുനിൽക്കുന്നുവെന്നും അത് മനുഷ്യന്റെ അന്തസ്സിന് നിരക്കാത്തതാണെന്നും കുറ്റകൃത്യങ്ങൾ തടയാൻ ഇതൊരു പരിഹാരമല്ലെന്നും അദ്ദേഹം കൂട്ടിച്ചേർത്തു. ഈ വിഷയത്തിൽ യുഎസ് കത്തോലിക്കാ മെത്രാൻ സമിതി പ്രസിഡന്റ് ആർച്ച് ബിഷപ്പ് പോൾ സ്റ്റാഗ് കോക്ലി നേരത്തെ പ്രതികരിച്ചിട്ടുണ്ടെന്നും വത്തിക്കാന്റെ ഔദ്യോഗിക പ്രസ്താവന ഉടൻ പുറത്തിറങ്ങുമെന്നും അദ്ദേഹം വ്യക്തമാക്കി.

ഈ വർഷത്തെ സമാധാനത്തിനുള്ള നോബൽ സമ്മാനം കരസ്ഥമാക്കിയ ദക്ഷിണാഫ്രിക്കൻ നിയമജ്ഞയും യുഎൻ മുൻ മനുഷ്യാവകാശ ഹൈക്കമ്മീഷണറുമായ നവനെതം നവി പിള്ളെയെ കർദിനാൾ അഭിനന്ദിച്ചു. മനുഷ്യാവകാശങ്ങൾക്കായി പോരാടുന്ന പ്രവർത്തനങ്ങൾ എപ്പോഴും പ്രശംസനീയവും, ആരോഗ്യപരവുമായ  കാര്യമാണെന്ന് അദ്ദേഹം അഭിപ്രായപ്പെട്ടു.