മഹിമയിൽ 'ശ്രീ ചൈതന്യം' - മഹാ ലക്ഷ്മി ഉപാസന നവംബർ 7 ന്

മലയാളി ഹിന്ദു മണ്ഡലത്തിന്റെ രജതോത്സവത്തോടു അനുബന്ധിച്ചു ഡോ .ശ്രീനാഥ് കാര്യാട്ടിന്റെകാർമ്മികത്വത്തിൽ 100 കുടുംബങ്ങളെ പങ്കെടുപ്പിച്ചു കൊണ്ട് സർവ്വ മംഗള ദായിനിയായത്രിപുരസുന്ദരി ദേവിയുടെ " ശ്രീ ചൈതന്യം " മഹാലക്ഷ്മി ഉപാസനയും മാതൃ-പിതൃ പൂജയുംനടത്തുന്നു . ഓരോ ഉപാസകന്റെയും മനമറിഞ്ഞു ഉപാസനാ രീതികളും അവയുടെമന്ത്രോച്ചാരണങ്ങളും പഠിപ്പിച്ച ശേഷമാണ് നവംബർ ഏഴിന് പൂജ ആരംഭിക്കുക . ഒരു പൂജാരിചെയ്യുന്ന പൂജ കാണുന്ന രീതിയിൽ നിന്നും വ്യത്യസ്‌തമായി ഇവിടെ ദേവി ഭക്തർ സ്വയം നേരിട്ട്ദേവിക്ക് പൂജ അർപ്പിക്കുന്നു എന്നത് തന്നെയാണ് "ശ്രീ ചൈതന്യം "പൂജയുടെ സവിശേഷത . വിവിധജീവിത തിരക്കിനിടയിലും മറ്റു സാമൂഹിക സാഹചര്യങ്ങളിൽ ഉണ്ടായ അപചയവും കാരണം കഴിഞ്ഞമൂന്നു പതിറ്റാണ്ടുകൾക്കിടയിൽ ഹൈന്ദവ കുടുംബങ്ങളിൽ നിന്നും അന്യം നിന്ന് പോയ ശാക്തേയഉപാസന രീതികൾ തിരികെ കൊണ്ട് വരാനും അത് വഴി ഭവനങ്ങളിൽ ശാന്തിയും സമാധാനവുംസമൃദ്ധിയും നിറയ്ക്കുകയാണ് ഇത് കൊണ്ട് മഹിമ ഉദ്ദേശിക്കുന്നത് .

ഒക്ടോബര് 18 നു ആരംഭിക്കുന്ന ശ്രീനാഥ് ജിയുടെ പൂജ ക്ലാസുകൾ വിജയദശമിയോടെസമാപിക്കും . തുടർന്ന് നവംബർ ഏഴു ശനിയാഴ്ച രജതോത്സവ നാളിൽ രാവിലെ 9 മണിക്ക്കൊടിയേറ്റത്തോടെയും ചെണ്ട മേളത്തോടെയും ആരംഭിക്കുന്ന (ശ്രീ ചൈതന്യം" മഹാലക്ഷ്മിഉപാസന ഉച്ചക്ക് 12.30 നു സമാപിക്കും . തുടർന്ന് സദ്യയും മറ്റു ആകർഷകമായ കലാപരിപാടികളും ഉണ്ടായിരിക്കും .

"ശ്രീ ചൈതന്യം " കോർഡിനേറ്റർസ് ആയി ഡോ .ഉണ്ണികൃഷ്ണൻ തമ്പി , സുരേഷ് ഷൺമുഖം , മഹാദേവൻ ശർമ്മ എന്നിവർ പ്രവർത്തിക്കുന്നു.

100 പേര് പങ്കെടുക്കുന്ന പൂജയുടെ സുഗമമായ നടത്തിപ്പിനായി ടീം ലീഡ്‌സ് വാസന്തി ,ചിത്രശബരിനാഥ് , രാധാമണി നായർ , രമ ബാഹുലേയൻ , ഗീത അനിൽ എന്നിവരും പ്രവർത്തിക്കുന്നു . സ്ത്രീ-പുരുഷ പ്രായ ഭേദമന്യേ എല്ലാ വിശ്വാസികൾക്കും ശ്രീ ചൈതന്യം മഹാലക്ഷ്മി ഉപാസനയിൽ പങ്കുചേരാം . സ്ഥല പരിമിതി ഉള്ളതിനാൽ ആദ്യം രജിസ്റ്റർ ചെയ്യുന്ന നൂറു പേർക്കായിരിക്കും പൂജചെയ്യാനുള്ള അവസരം ലഭിക്കുക . കൂടുതൽ വിവരങ്ങൾക്ക് താഴെ കാണുന്ന ലിങ്ക് ക്ലിക്ക്ചെയ്യുകയോ ,ഫോൺ നമ്പറിൽ ബന്ധപ്പെടുകയോ ചെയ്യുക .

രഞ്ജിത്ത് നായർ( മഹിമ പ്രസിഡന്റ് ) -646-301-8922

ശബരിനാഥ് നായർ ( രജതോത്സവം കൺവെൻഷൻ ചെയർമാൻ ) -516-244-9942 MAHIMA RAJATHOLSAVAM

25th Anniversary Convention

📅 Saturday, November 7, 2026

📍 PS 115, Glen Oaks, New York

Please click the link below to register:

https://forms.gle/Lzh3i39iwBi8YVm68

Facebook Comments

Comments

ഭാരതീയ ദൈവങ്ങൾ 2026-10-07 19:32:53

മനുഷ്യനാണ് ദൈവങ്ങളെ സൃഷ്ടിച്ചത് എന്ന ഭൗതികവാദപരമായ നിരീക്ഷണത്തിന് ഏറ്റവും കൃത്യമായ തെളിവാണ് ആധുനിക ഇന്ത്യയിലെ ദേവീദേവ സങ്കല്പങ്ങൾ. ഒരു ശരാശരി വിശ്വാസി കണ്ണടച്ച് ശിവനെയോ ശ്രീകൃഷ്ണനെയോ സരസ്വതിയെയോ ഓർക്കുമ്പോൾ മനസ്സിൽ തെളിയുന്നത് പുരാതനമായ ഏതെങ്കിലും അതീന്ദ്രിയ രൂപമല്ല. മറിച്ച് 19-ാം നൂറ്റാണ്ടിന്റെ അവസാനത്തിൽ രാജാ രവിവർമ്മ എന്ന ചിത്രകാരൻ വരച്ചുവെച്ചതും, പിന്നീട് ലിത്തോഗ്രാഫിക് പ്രസ്സുകളിലൂടെ കൂട്ടത്തോടെ അച്ചടിച്ചറക്കിയതുമായ വെറും ഭൗതിക ചിത്രങ്ങളാണ്. ചുരുക്കത്തിൽ, കോടിക്കണക്കിന് മനുഷ്യർ ഇന്ന് ആരാധിക്കുന്നത് ദൈവങ്ങളെയല്ല, മറിച്ച് സാങ്കേതികവിദ്യയും വർണ്ണക്കൂട്ടുകളും ചേർന്ന് നിർമ്മിച്ചെടുത്ത രവിവർമ്മയുടെ ദൃശ്യമാതൃകകളെയാണ്- chanakyan

Indian Gods 2026-10-07 19:34:51

രവിവർമ്മയ്ക്ക് മുൻപ് ഭാരതത്തിൽ 'ദൈവം' എന്നത് ഏകാത്മകമായ ഒന്നായിരുന്നില്ല. പ്രാദേശികമായ നാടോടി സങ്കല്പങ്ങളും ശില്പങ്ങളും കൊത്തുപണികളും അനുസരിച്ച് ദൈവങ്ങളുടെ രൂപങ്ങൾ മാറിമറിഞ്ഞു. ദ്രാവിഡ സങ്കല്പങ്ങളിലെ കല്ലുകളും മരങ്ങളും മുതൽ, ക്ഷേത്രങ്ങളിലെ പ്രതിഷ്ഠാരൂപങ്ങൾ വരെ മനുഷ്യനിൽ നിന്ന് തികച്ചും അകന്നുനിന്ന അമൂർത്ത പ്രതീകങ്ങളായിരുന്നു. കൃഷ്ണന് ഒരിടത്ത് കറുത്ത നിറമായിരുന്നെങ്കിൽ മറ്റൊരിടത്ത് ഗോത്രനായകന്റെ ഛായയിലായിരുന്നു; ശിവൻ പലപ്പോഴും ലിംഗരൂപമായോ പരുക്കൻ ശിലാഫലകങ്ങളായോ ആണ് കണ്ടിരുന്നത്. എന്നാൽ, പാശ്ചാത്യ അക്കാദമിക് റിയലിസത്തിന്റെ തത്വങ്ങൾ ഉൾക്കൊണ്ട രവിവർമ്മ, ഈ സങ്കല്പങ്ങളെ അടിമുടി ഭൗതികവൽക്കരിച്ചു. അദൃശ്യവും ഭയാനകവുമായ ദൈവങ്ങൾക്ക് പകരം നമുക്കിടയിലെ മനുഷ്യരെത്തന്നെ അദ്ദേഹം മോഡലുകളാക്കി. മറാഠി, ദക്ഷിണേന്ത്യൻ സ്ത്രീകളുടെ മുഖഭാവങ്ങളും ശരീരപ്രകൃതിയുമാണ് ലക്ഷ്മിക്കും സരസ്വതിക്കും സീതയ്ക്കും ലഭിച്ചത്. നീലനിറം പൂശിയ സുന്ദരനായ ഒരു സാധാരണ യുവാവായി കൃഷ്ണനും, വെളുത്ത ശരീരവും ആറടി ഉയരവുമുള്ള ഒരു തപോധനനായി ശിവനും മാറിയത് രവിവർമ്മയുടെ ഭാവനയിലൂടെയാണ്. ദൈവങ്ങൾക്ക് ആഭരണങ്ങൾ, പട്ടുസാരികൾ, കിരീടങ്ങൾ, പുഷ്പങ്ങൾ എന്നിവ നൽകി അവരെ അന്നത്തെ രാജകീയ-പ്രഭു വർഗ്ഗത്തിന്റെ പ്രൗഢിയുള്ള ഭൗതിക ശരീരങ്ങളാക്കി മാറ്റി.- chanakyan

Indian Gods -3 2026-10-07 19:37:07

സാമ്പത്തിക-സാങ്കേതിക മാറ്റങ്ങളാണ് മനുഷ്യന്റെ ആശയങ്ങളെ നിർണ്ണയിക്കുന്നത്. രവിവർമ്മയുടെ ചിത്രങ്ങൾ ജനങ്ങളുടെ മനസ്സിൽ 'സ്ഥിരപ്രതിഷ്ഠ' നേടിയത് അദ്ദേഹത്തിന്റെ കഴിവുകൊണ്ട് മാത്രമല്ല, മറിച്ച് 1894-ൽ മുംബൈയിൽ സ്ഥാപിച്ച ലിത്തോഗ്രാഫിക് പ്രസ്സ് എന്ന ഭൗതിക ഉപാധിയിലൂടെയാണ്. ആയിരക്കണക്കിന് ഒലിയോഗ്രാഫുകൾ ഒരേസമയം അച്ചടിച്ചുവന്നതോടെ, അതുവരെ വൈവിധ്യപൂർണ്ണമായിരുന്ന ദൈവ സങ്കല്പങ്ങൾക്കുപകരം ഒരൊറ്റ 'സ്റ്റാൻഡേർഡ് രൂപം' വിപണിയിലെത്തി. തീപ്പെട്ടിക്കവറുകൾ, തുണിമില്ലുകളുടെ ലേബലുകൾ, വാർഷിക കലണ്ടറുകൾ എന്നിവയിലൂടെ ഈ ചിത്രങ്ങൾ സാധാരണക്കാരുടെ സ്വീകരണമുറികളിലും പൂജാമുറികളിലും കടന്നുകൂടി.

Indian Gods -4 2026-10-07 19:38:17

നിരന്തരമായ കാഴ്ച മനുഷ്യന്റെ ചിന്തയെ സ്വാധീനിക്കുന്നു. തലമുറകളായി കണ്ണുകൾക്ക് മുന്നിൽ കണ്ട ഈ പ്രിന്റുകൾ ഒടുവിൽ "ഇതാണ് യഥാർത്ഥ ദൈവം" ബോധം (False Consciousness) മനുഷ്യരി ക്ഷേത്രങ്ങളിൽ പ്രവേശനം നിഷേധിക്കപ്പെട്ടിരുന്ന അവർണ്ണർക്ക് വീട്ടിലിരുന്ന് ആരാധിക്കാൻ രവിവർമ്മ ചിത്രങ്ങൾ ഉപകരിച്ചു എന്നൊരു വാദമുണ്ട്. എന്നാൽ ഭൗതികവാദപരമായ വിശകലനത്തിൽ ഇതിനൊരു മറുപുറമുണ്ട്: സവർണ്ണ-രാജകീയ സൗന്ദര്യസങ്കല്പങ്ങളെയാണ് രവിവർമ്മ ദൈവങ്ങളാക്കി അവതരിപ്പിച്ചത്. വെളുത്ത നിറവും ആര്യൻ ശരീരഘടനയുമുള്ള ഈ രൂപങ്ങളെ അധഃസ്ഥിത ജനവിഭാഗങ്ങൾ സ്വന്തം പൂജാമുറികളിൽ പ്രതിഷ്ഠിച്ച് വണങ്ങിയപ്പോൾ, സവർണ്ണ സൗന്ദര്യസങ്കല്പങ്ങൾ ദൈവീകമാണെന്ന ആശയം ജനകീയവൽക്കരിക്കപ്പെടുകയാണ് ചെയ്തത്. ബഹുഭൂരിപക്ഷം വരുന്ന അധ്വാനിക്കുന്ന ജനവിഭാഗങ്ങളുടെ തനത് നാടോടി ദൈവങ്ങൾ ഈ ഒറ്റ രൂപത്തിന് മുന്നിൽ അപ്രസക്തമായിപ്പോയി. ഇന്ന് സിനിമയിലോ നാടകത്തിലോ ബി.ആർ. ചോപ്രയുടെ 'മഹാഭാരത'ത്തിലോ ഒക്കെ നാം കാണുന്ന കൃഷ്ണന്റെ കിരീടവും വസ്ത്രധാരണവും ചിരിയും പോലും രവിവർമ്മയുടെ ബ്രഷിൽ നിന്ന് കടമെടുത്തതാണ്. കാതുകളിൽ കുണ്ഡലങ്ങളും കയ്യിൽ ഓടക്കുഴലുമേന്തിയ ഒരു രൂപം കാണുമ്പോൾത്തന്നെ മനുഷ്യർ കൈകൂപ്പുന്നത്, കാവ്യാത്മകമായ ഒരു പാരമ്പര്യത്തോടല്ല, മറിച്ച് 150 വർഷങ്ങൾക്കിപ്പുറമുള്ള ഒരു സാങ്കേതിക വിപ്ലവത്തിന്റെ അവശേഷിപ്പുകളോടാണ്. ചുരുക്കത്തിൽ, ഇന്ന് നാം കാണുന്ന ഹിന്ദു ദൈവങ്ങൾ കാലാതിവർത്തിയോ അതീന്ദ്രിയമോ അല്ല. അവ 19-ാം നൂറ്റാണ്ടിലെ കൊളോണിയൽ ഇന്ത്യയിൽ യൂറോപ്യൻ റിയലിസവും ജർമ്മൻ പ്രിന്റിംഗ് മെഷിനുകളും ചേർന്ന് നിർമ്മിച്ച് വിപണിയിലിറക്കിയ ഭൗതിക ഉത്പന്നങ്ങളാണ്. ദൈവം മനുഷ്യനെ സൃഷ്ടിക്കുകയല്ല, മറിച്ച് മനുഷ്യന്റെ സാങ്കേതികവിദ്യയും ഭാവനയും ചേർന്ന് ദൈവത്തിന്റെ രൂപത്തെ വിപണിയിൽ പ്രതിഷ്ഠിക്കുകയാണുണ്ടായത് എന്ന് ഈ ചരിത്രം അസന്ദിഗ്ദ്ധമായി തെളിയിക്കുന്നു.-chanakyan

മഹിമയിൽ 'ശ്രീ ചൈതന്യം' - മഹാ ലക്ഷ്മി ഉപാസന നവംബർ 7 ന്

Subscribe and Support Your Regional Media Outlets. Your Support Helps Us Stay Afloat and Continue Serving the Community

PATHRANGAL

US WEBSITES

EMalayalee Available in MediaAppUSA