ന്യൂയോർക്ക്: കോൺഗ്രസ് അംഗം ടോം സോസിയെ പിന്തുണച്ച് ഇന്ത്യൻ അമേരിക്കൻ സമൂഹത്തിന്റെ നേതൃത്വത്തിൽ പ്രത്യേക റാലി ഒക്ടോബർ 13 ചൊവ്വാഴ്ച വൈകിട്ട് 7.30ന് മാരിയറ്റ് യൂണിയൻ ഡെയ്‌ലിൽ നടക്കും.

ഇന്ത്യൻ അമേരിക്കൻ സമൂഹത്തിലെ അംഗങ്ങൾ പങ്കെടുക്കുന്ന സംഗമത്തിൽ കോൺഗ്രസ് അംഗം ടോം സോസിയും പങ്കെടുക്കും. ന്യൂയോർക്ക് മൂന്നാം കോൺഗ്രസ് ഡിസ്ട്രിക്ടിനെ പ്രതിനിധീകരിക്കുന്ന ഡെമോക്രാറ്റിക് അംഗമാണ് സോസി.

ഇന്ത്യൻ അമേരിക്കൻ സമൂഹവും സോസിയും തമ്മിലുള്ള ആശയവിനിമയത്തിനും കൂടിക്കാഴ്ചയ്ക്കുമുള്ള അവസരമായാണ് പരിപാടി സംഘടിപ്പിക്കുന്നതെന്ന് സംഘാടകർ അറിയിച്ചു. പരിപാടി ധനസമാഹരണത്തിനായുള്ളതല്ലെന്നും സംഘാടകർ വ്യക്തമാക്കി.

എല്ലാ ഇന്ത്യൻ അമേരിക്കൻ സമൂഹാംഗങ്ങളെയും പരിപാടിയിലേക്ക് സ്വാഗതം ചെയ്യുന്നതായും സംഘാടകർ അറിയിച്ചു. കൂടുതൽ വിവരങ്ങൾക്ക് 917-697-1481 എന്ന നമ്പറിൽ ബന്ധപ്പെടാം.