യുഎസ് വിസയ്ക്ക് അപേക്ഷിക്കുന്നവരുടെ സോഷ്യൽ മീഡിയ അക്കൗണ്ടുകൾ പരിശോധിക്കുന്നത് കൂടുതൽ വ്യാപകമാക്കുന്ന നടപടികൾ ബുധനാഴ്ച്ച നിലവിൽ വന്നു. വിദേശ മാധ്യമ പ്രവർത്തകർ, വിദ്യാർഥികൾ എന്നിവർക്കാണ് കൂടുതൽ പരിശോധനകൾ.  

ഒക്ടോബർ 1 മുതലാണ് ഇതാരംഭിച്ചത്. എച്-1 ബി വിസയിൽ വരുന്നവർക്കാണ് നിലവിൽ ഈ പരിശോധന ഉണ്ടായിരുന്നത്. ഐ, ടിഎൻ, ടിഡി വിസകൾക്കാണ് ഇപ്പോൾ ചേർത്തത്.  

ഈ വിസകൾക്കു അപേക്ഷിച്ചവർ സോഷ്യൽ മീഡിയ അക്കൗണ്ടുകൾ തുറന്നു വയ്ക്കണമെന്ന് സ്റ്റേറ്റ് ഡിപ്പാർട്മെന്റ് ആവശ്യപ്പെട്ടു. പ്രൈവസി സെറ്റിംഗ്സ് 'പബ്ലിക്' അല്ലെങ്കിൽ 'ഓപ്പൺ' ആക്കണം.

യുഎസിലേക്കു യാത്ര ചെയ്യുകയോ അവിടെ പഠിക്കയോ ജോലി ചെയ്യുകയോ ചെയ്യുന്ന ഇന്ത്യക്കാരെയും ഇത് വൻ തോതിൽ ബാധിക്കും. എച്-1ബി താത്കാലിക ജീവനക്കാർ, എച്-4 ആശ്രിതർ, എച്-3 ട്രെയ്നികൾ, എഫ്-1, എം-1 വിദ്യാർഥികളും അവരുടെ  എഫ്-2, എം-2 ആശ്രിതരും ഉൾപെടും.

ജെ-1, ജെ-2 എക്സ്ചേഞ്ച് വിസിറ്റർമാർ ഉൾപ്പെടെ മറ്റു പല നോൺ-ഇമിഗ്രന്റ് വിഭാഗങ്ങൾക്കും ഇതു ബാധകമാണ്.

ഓരോ വിസ നൽകുമ്പോഴും ദേശരക്ഷ പ്രധാന വിഷയമാണെന്നു സ്റ്റേറ്റ് ഡിപ്പാർട്മെന്റ് പറഞ്ഞു.

US expands social media checks for visas