മക്ക: സൗദിയിലെ മക്കയില്‍ വെള്ളിയാഴ്ച നടന്ന വാഹനാപകടത്തില്‍ രണ്ട് മലയാളികള്‍ ഉള്‍പ്പെടെ അഞ്ചുപേര്‍ക്ക് ദാരുണാന്ത്യം. വാഹനത്തില്‍ സഞ്ചരിച്ച നാല് നഴ്സുമാരും ഡ്രൈവറുമാണ് മരിച്ചത്. കോട്ടയം പാലാ സ്വദേശി 36 കാരിയായ ജെയ്സി മോള്‍, കുരുമുള്ളൂര്‍ ആനച്ചേരി സ്വദേശി 26 കാരിയായ ജോബിന ജോണി എന്നിവരാണ് മരിച്ച മലയാളികള്‍. മറ്റുരണ്ടുപേര്‍ തമിഴ്നാട് സ്വദേശികളാണ്. വെള്ളിയാഴ്ച വൈകിട്ട് ഷോപ്പിംഗിനായി ഇറങ്ങിയപ്പോഴാണ് ഇവര്‍ അപകടത്തില്‍ പെട്ടത്.

സൗദി പൗരനായ വാഹനത്തിന്റെ ഡ്രൈവര്‍ അപകട സ്ഥലത്തുവച്ച് തന്നെ മരണപ്പെട്ടിരുന്നു. വാഹനങ്ങള്‍ കൂട്ടിയിടിച്ചായിരുന്നു അപകടം. സര്‍ക്കാര്‍ ആശുപത്രിയില്‍ നഴ്‌സുമാരായ സംഘം അവധി ദിനത്തില്‍ ഷോപ്പിംഗിന് ഇറങ്ങിയതായിരുന്നു.