ന്യൂയോർക്ക്: ന്യൂയോർക്കിലെ 17-ാം കോൺഗ്രഷണൽ ഡിസ്ട്രിക്ടിൽ മത്സരിക്കുന്ന കെയ്റ്റ് കോൺലിയുടെ തിരഞ്ഞെടുപ്പ് പ്രചാരണത്തിന് പിന്തുണയുമായി ഏഷ്യൻ അമേരിക്കക്കാരുടെ നേതൃത്വത്തിൽ ധനസമാഹരണ പരിപാടി സംഘടിപ്പിക്കുന്നു. ഒക്ടോബർ 2 വെള്ളിയാഴ്ച വൈകിട്ട് 6.30ന് ഓറഞ്ച്ബർഗിലെ സിതാർ പാലസ് റെസ്റ്റോറന്റിലാണ് പരിപാടി.

17-ാം കോൺഗ്രഷണൽ ഡിസ്ട്രിക്ടിൽ താമസിക്കുന്ന ഏഷ്യൻ അമേരിക്കക്കാരുടെ നേതൃത്വത്തിലാണ് പരിപാടി സംഘടിപ്പിക്കുന്നത്. കെയ്റ്റ് കോൺലിയെയും പ്രചാരണ സംഘത്തെയും നേരിൽ കാണാനും തിരഞ്ഞെടുപ്പ് പ്രചാരണത്തിന്റെ പ്രവർത്തനങ്ങളെക്കുറിച്ച് അറിയാനും പരിപാടിയിലൂടെ അവസരമൊരുക്കും.

റിപ്പബ്ലിക്കൻ പാർട്ടി ഈ സീറ്റ് നിലനിർത്തുന്നതിനായി ദശലക്ഷക്കണക്കിന് ഡോളർ ചെലവഴിക്കുമെന്നാണ് പ്രചാരണ സംഘത്തിന്റെ വിലയിരുത്തൽ. വോട്ടർമാരിലേക്ക് എത്തുന്നതിനും എതിർപ്രചാരണങ്ങളെ നേരിടുന്നതിനും തിരഞ്ഞെടുപ്പ് പ്രവർത്തനങ്ങൾ ശക്തിപ്പെടുത്തുന്നതിനും സാമ്പത്തിക പിന്തുണ ആവശ്യമാണെന്നും സംഘാടകർ അറിയിച്ചു.

പരിപാടിയിൽ പങ്കെടുക്കാനും പ്രചാരണത്തിൽ പങ്കാളികളാകാനും സംഘാടകർ ഏഷ്യൻ അമേരിക്കൻ സമൂഹത്തോട് അഭ്യർഥിച്ചു.

ഓറഞ്ച്ബർഗ് ഷോപ്പിങ് സെന്ററിലെ 38-ാം നമ്പർ വിലാസത്തിലാണ് സിതാർ പാലസ് റെസ്റ്റോറന്റ് പ്രവർത്തിക്കുന്നത്. സംഭാവനകൾ നൽകുന്നതിനായി പ്രത്യേക ഓൺലൈൻ സംവിധാനവും ഒരുക്കിയിട്ടുണ്ട്.

കൂടുതൽ വിവരങ്ങൾക്ക് അബിനീത് ഝാ (201-951-9640), മംത ആര്യ (845-641-9049), അജയ്‌വീർ ചൗപട് (845-536-1910), ഡോ. ആനി പോൾ (845-304-1580), സണ്ണി കല്ലൂപ്പാറ (845-596-0935), വിശ്വനാഥൻ കുഞ്ഞുപിള്ള (914-804-1680), ഷൈമി ജേക്കബ് (845-445-1000), കുരുവിള ചെറിയാൻ (845-642-9059) എന്നിവരുമായി ബന്ധപ്പെടാം.