കാന്തപുരത്തിന്റെ പ്രസ്താവനയെ വളഞ്ഞിട്ട് ആക്രമിക്കുന്ന ഈ ആധുനിക കാലഘട്ടത്തിൽ ഈ വളഞ്ഞിട്ട് ആക്രമിക്കുന്നവർക്കൊക്കെ ആ പ്രസ്താവനയെക്കാൾ കൂടുതൽ ഇസ്ലാമിനെ അല്ലെങ്കിൽ ഇസ്ലാമിലെ ഒരു പണ്ഡിതനെ കരിവാരിത്തേക്കാൻ ഉള്ള ഗൂ ഡമായ ശ്രമവും മറ്റുള്ള കാര്യങ്ങളെ തിരസ്കരിക്കാനും തമസ്കരിക്കാനും ഉള്ള ചില രഹസ്യാജണ്ടയും ഉണ്ട് എന്ന കാര്യമാണ് പാർട്ടി ഭേദമില്ലാതെ ഓരോരുത്തരും തല കീറി ഇഴകീറി പരിശോദിക്കുബോൾ തോന്നുന്നത്

ഈ പ്രസ്താവനയോ ഇതുപോലുള്ള പ്രസ്താവനയോ കാന്തപുരത്തിന്റേതായി വർഷങ്ങൾക്കു മുമ്പ് പതിറ്റാണ്ടുകൾക്ക് മുമ്പ് ഈ കേരള മണ്ണിൽ വന്നതാണ് പറഞ്ഞതാണ് പറയപ്പെട്ടതാണ് ഇത് ഇന്ന് മാത്രം പറഞ്ഞ ഒരു വസ്തുതയല്ല എന്നതുകൊണ്ടുതന്നെ ഇവിടെ സംഭവിച്ചുകൊണ്ടിരിക്കുന്ന ചില കാര്യങ്ങളെ തൃണവൽക്കരിക്കാനും അങ്ങനെ ജനശ്രദ്ധ തൽക്കാലം ആ വന്ദ്യ വയോധികന്റെ തലയിലേക്ക് ഉന്നം വെക്കുകയും ചെയ്യുന്നത് ഭൂഷണമല്ല

കാന്തപുരം ഇന്ന് പറഞ്ഞ പ്രസ്താവനയോ ഇന്നലെ പറഞ്ഞ പ്രസ്താവനയല്ല ഇത് കാലങ്ങളായി പറയപ്പെടുന്ന പ്രസ്താവനയാണ് അതിൽ എന്ത് പുതുമയാണുള്ളത്. പുതിയതായി എന്തെങ്കിലും പ്രസ്താവിക്കുകയല്ല ചില കാര്യങ്ങൾ മതപ്രബോധകൻ എന്ന നിലയിൽ സമീപകാല സംഭവങ്ങളെ അഭിസംബോധന ചെയ്തുകൊണ്ട് രണ്ടുദിവസം മുമ്പ് ഒന്നുകൂടി ഊന്നൽ നൽകി പറഞ്ഞു എന്ന് മാത്രം 
അപ്പോൾ ഈ ഒരു പ്രസ്താവനയോ കാന്തപുരത്തിന്റെ മറ്റുള്ള പ്രസ്താവനകളെയോ കുറിച്ചല്ല ഈ വിഷമം

കാന്തപുരം ഉസ്താദ് നേതൃത്വം കൊടുക്കുന്ന സംഘടനയുടെ പള്ളികളിൽ ജുമാ നമസ്കാരത്തിന് സ്ത്രീകൾക്ക് അനുവാദമില്ല കാലങ്ങളായിട്ടില്ല എന്നാൽ യാത്രക്കാരായ സ്ത്രീകൾക്ക് നമസ്കാരിക്കാൻ അനുവാദവും ഉണ്ട് അങ്ങനെയുള്ള ഇരട്ടത്താപ്പുകൾ കാന്തപുരം പ്രസ്ഥാനം തുടർന്നു വരുന്നതാണ് അത് ഇന്നും ഇന്നലെയോ തുടങ്ങിയതല്ല ആ പ്രസ്ഥാനം ഉണ്ടായതുമുതലുള്ളതാണ്

അതുകൊണ്ടുതന്നെ കാന്തപുരത്തിനേ  ആക്രമിക്കുന്നതിലൂടെ മുസ്ലിം ബഹുഭൂരിപക്ഷത്തെ അല്ലെങ്കിൽ ഈ യുഡിഎഫിന് നേതൃത്വം കൊടുക്കുന്ന ഈ യുഡിഎഫ് ഗവൺമെൻറ് അധികാരത്തിൽ വരാൻ കാരണക്കാരായ മുസ്ലിം സമൂഹത്തെ ഒറ്റയടിക്ക് യുഡിഎഫിൽ നിന്ന് വേർപ്പെടുത്താനുള്ള അല്ലെങ്കിൽ ആ വിഭാഗങ്ങൾക്കിടയിൽ വിഭാഗീയത തീർക്കാനും ഉള്ള ഗൂഢനീക്കം ആണോ ഇത് എന്ന് സംശയിക്കേണ്ടിയിരിക്കുന്നു

അതുകൊണ്ട് ഇത് രാജ്യത്തെ മുസ്ലിം സമൂഹം അല്ലെങ്കിൽ മുസ്ലിം സ്ത്രീകൾ അല്ലെങ്കിൽ മൊത്തം കേരള സ്ത്രീകൾ അനുകൂലിക്കുന്ന ഒരു പ്രസ്താവന ഒന്നുമല്ല ഇതുപോലുള്ള പല പ്രസ്താവനകളും പല പണ്ഡിതന്മാരുടെയും നാവിൽ നിന്ന് വരാറുണ്ട് അതൊന്നും ഒരു വിവാദം ആകാറില്ല കാരണം അത് ആരേ ഉദ്ദേശിച്ചാണ് ആ ഉദ്ദേശിക്കുന്നവർക്ക് സ്വീകരിക്കാം സ്വീകരിക്കാതിരിക്കാം എന്ന കാര്യത്തിൽ മത നിയമം പോലും എതിരല്ല

ഒരാൾക്ക് രാജ്യത്ത് ജീവിക്കാൻ ഒരു മതത്തിൽ നിന്നുകൊണ്ടുതന്നെ മതവിധികളെ ലംഘിക്കാനും അനുവാദം ഉള്ള ഒരു രാജ്യത്താണ് നാം ജീവിക്കുന്നത് എന്നതുകൊണ്ട് തന്നെ ഇത് വലിയൊരു കാഠിന്യമായ നിലപാട് ഒന്നുമല്ല പക്ഷേ ചിലർക്കെല്ലാം ഇതുവച്ച് ഒരു കുളങ്കലക്കൽ നടത്താനുള്ള ശ്രമം ഉണ്ട് എന്ന കാര്യത്തിൽ സംശയവുമില്ല അതിൽ യാതൊരു കാര്യവുമില്ലാതെ ഭരണാധികാരികൾ തലവെച്ചു കൊടുക്കാതിരിക്കുക

പണ്ഡിതന്മാർ പറയുന്നതെല്ലാം ഒരു ചെവിയിലൂടെ കേട്ട് മറുചെവിയിലൂടെ പുറന്തള്ളുന്ന ഒരു ലോകത്താണ് നാം ജീവിച്ചിരിക്കുന്നത് അപ്പോൾ മതശാസനകളും മത വിധികളും പ്രസ്താവിക്കുന്നിടത്ത് പൂച്ചയ്ക്ക് എന്താണ് പൊന്നുരുക്കുന്നിടത്ത് കാര്യം എന്ന നിലയിൽ മാറി നിൽക്കുന്നതല്ലേ ഉചിതം

വെറുതെ കിടക്കുന്ന ചളിയിൽ പോയി കല്ലെറിഞ്ഞ് ആരും സ്വന്തം ശരീരത്തിലേക്ക് ചെളിപ്പെടുത്താതിരിക്കുന്നതാണ്   എല്ലാവർക്കും അഭികാമ്യം

ഞാൻ  കാന്തപുരത്തിന്റെ അനുയായി ഒന്നുമല്ല എങ്കിലും ഇപ്പോഴത്തെ ഈ പ്രസ്താവന യുദ്ധം ഈ സ്ത്രീ സമത്വ യുദ്ധം ഒരിക്കലും അവസാനിക്കുന്നതല്ല അതിൽനിന്ന് പറഞ്ഞവർ പിറകോട്ട് പോവുകയുമില്ല എതിർക്കുന്നവർ മുന്നോട്ട് പോവുകയുമില്ല എന്ന കാര്യം വ്യക്തമാണ്.......
--------------------------------------
Read More: https://www.emalayalee.com/writer/141