ഘന ശ്യാമ മേഘമേ

കനവുണ്ടുവോ,

ഹൃദയത്തിൽ വിടരുന്ന

നിനവുണ്ടുവോ ?

മഴ പെയ്താൽ

ചോരുന്ന കുടിലിന്നകം

മനസ്സിന്റെ മാളിക

ത്തറവാടുകൾ !

അകലത്ത് മഴമുകിൽ കണിക്കൊന്നയിൽ

പൊഴിയുന്നു പ്രണയത്തിൻ

മഴത്തുള്ളികൾ

തിരിയിട്ടു തെളിയുന്ന  

നിറ വാനമേ, എന്റെ

ഹൃദയസത്തിൽ ഒരു

തണൽ വിരിയിക്കുമോ ?

ശ്രുതി ചേർന്ന് പെയ്യുമീ

ഋതു ശോഭയിൽ

തിരുവാതിരക്കിളി

ഞാറ്റു വേലകൾ,

അണ പൊട്ടിയൊഴുകുന്ന

മദ മാരിയിൽ ഇണ

കുരുവികൾ കുടയുന്നു

കുറു ചിറകുകൾ !

പ്രണയമായ് പ്രകൃതി

തൻ നിറമാറിലെ

അമൃതുണ്ട് ചെടികൾ വേ -

രുയിർ തേടവേ,

നിറയുന്ന നീലപ്പച്ച

കുളിരിന്റെ തീരത്തിലെൻ

വിരഹവും വീണപ്പാട്ടും

അലയുന്നിതേ !