നത്തകളും ആമകളും മാത്രം ഉണ്ടായിരുന്നെങ്കിൽ

കാട്ടിൽ

ഒരു തോക്കും അല്ല 

ഒരു ചിന്ത പോലും

കൊല്ലാൻ ജനിക്കുമായിരുന്നില്ല.

വേഗം എന്ന രോഗം

അവരുടെ രക്തത്തിൽ ഇല്ല,

ജയം എന്ന പനി

അവരുടെ കണ്ണിൽ കത്തുന്നില്ല.

ഓട്ടക്കാരാണ്

വാളുകൾ കണ്ടുപിടിച്ചത്,

കുരയ്ക്കുന്നവർ

രാജ്യങ്ങൾ വരച്ചത്,

പക്ഷേ പതുക്കെ പോകുന്നവർ

ഭൂമിയെ

ഇനിയും അമ്മയെന്ന് വിളിക്കുന്നു.

മാംസത്തിന്റെ വിശപ്പിലാണ്

മനുഷ്യൻ ദൈവത്തെ വെടിവെച്ചത്,

അധികാരത്തിന്റെ ലഹരിയിൽ

കരുണയെ

കുഴിച്ചുമൂടിയത്.

നത്തകൾ

ചിപ്പിനുള്ളിൽ ഒളിച്ചാലും

കൊല്ലാൻ പഠിച്ചില്ല,

ആമകൾ

പുറം ചുമന്നാലും

ഭാരം മറ്റൊരാളിലേക്ക് തള്ളിയില്ല.

അതുകൊണ്ടാണ് 

ഈ കാട്ടിൽ

തോക്കുകൾ കൂടുതലും

നമ്മളെ പോലുള്ളവർ പിടിക്കുന്നത്,

നത്തകളും ആമകളും അല്ല.

ഒന്നറിയുക:

വേഗം മനുഷ്യനെ മുന്നോട്ടല്ല

ശവക്കുഴിയിലേക്കാണ്

നയിക്കുന്നത്.

നത്ത - Snail