ഒരു മഹാ യുദ്ധത്തി ലീടനെഞ്ചു പിടയുമീ

ഗതി കെട്ട മണ്ണിന്റെ കാലം !

മനുഷ്യന്റെ യാഭിലാഷ നിനവുകൾ തകരുന്ന -

തറിയാത്ത പകയുടെ കാലം !

മത നീതികൾ തീർത്ത മതിലുകൾ മനുഷ്യനെ

പൊതു ശത്രുവാക്കുന്ന കാലം !

അവനാണ് കാഫർ ആ തലകൊയ്താൽ സ്വർഗ്ഗത്തിൽ

ഉലയാത്ത പെരുമുല ക്കാലം !

മതമുണ്ടു മനുഷ്യന്റെ തല കൊയ്തു തള്ളുന്ന

കലിയുഗ കലികാല കാലം !

മനുഷ്യ മോഹങ്ങളിൽ മതവെറി മുറിവിന്റ

ചുടുനിണ മൊഴുകുന്ന കാലം !

അരുത് കാട്ടാളരേ യരുത് കൂരമ്പുകൾ ഉറകളിൽ തിരുകേണ്ട കാലം. ! വരികയായ്, വരികയായ് മനുഷ്യനുംമനുഷ്യനു

മൊരുമിച്ച പുതുയുഗ ക്കാലം ! -

വരികയായ് അതിരിന്റെ മതിലുകൾ തകരുന്ന

യൊരു പുലർ സംക്രമക്കാലം !!