ഫോമാ എമ്പയർ റീജിയൻ കുടുംബ സംഗമം, കൺവെൻഷൻ കിക്ക്‌ ഓഫ്, കേരള പിറവി എന്നീ മൂന്ന് ആഘോഷങ്ങൾ നവംബർ 9 ഞായറാഴ്ച 4 മണി മുതൽ , നാനുവെട്   പാസ്കാക്  കമ്മ്യൂണിറ്റി സെന്ററിൽ വച്ചു വിപുലമായി നടത്തുന്നതാണ്.  ഫോമാ എമ്പയർ റീജിയൻ RVP  പി .റ്റി . തോമസിന്റെ അധ്യക്ഷതയിൽ കൂടുന്ന സമ്മേളനത്തിൽ ഫോമാ പ്രസിഡന്റ്   ബേബി മണക്കുന്നേൽ മുഖ്യ പ്രാഭാഷണം നടത്തും. ഫോമാ എമ്പയർ റീജിയൻ സെക്രട്ടറി  മോൻസി വർഗീസ് സ്വാഗതം ആശംസിക്കും. ന്യൂ യോർക്ക് സെനറ്റർ വിൽ വെബ്ബർ, ഫോമാ ജനറൽ സെക്രട്ടറി   ബൈജു  വർഗീസ്, ട്രെഷറർ   സിജിൽ പാലക്കലോടി, വൈസ് പ്രസിഡന്റ് ഷാലു പുന്നൂസ്, ജോയിൻറ്   സെക്രട്ടറി  പോൾ ജോസ്,  ജോയിൻറ് ട്രെഷറർ   അനുപമ കൃഷ്ണൻ എന്നിവർ ആശംസകൾ അർപ്പിക്കും.

നാട്യമുദ്ര സ്കൂൾ ഓഫ് ഡാൻസ്, കനക ചിലങ്ക സ്കൂൾ ഓഫ് ഡാൻസ്,   ബ്രയാൻ ജേക്കബ്,   റീതു ശർമ്മ,   അമിത് ശർമ്മ എന്നിവർ അവതരിപ്പിക്കുന്ന നൃത്തങ്ങൾ സദസ്സിനെ ആനന്ദ പുളകിതമാക്കും. വിപിൻ കുമാർ ആൻഡ് ടീം അവതരിപ്പിക്കുന്ന കേരള പിറവി ഗാനങ്ങൾ, മിമിക്രി, നാടൻ പാട്ട് ,  സാധക അലക്സാണ്ടർ അവതരിപ്പിക്കുന്ന ഗാനങ്ങൾ,      സണ്ണി    കല്ലൂപ്പാറ അവതരിപ്പിക്കുന്ന കവിത എന്നിവ  സദസ്യരുടെ ശ്രദ്ധ പിടിച്ചുപറ്റും.  

ജെ മാത്യൂസ്  എമ്പയർ റീജിയൻ പ്രസിദ്ധീകരിക്കുന്ന സോവനീറിനെ കുറിച്ച സംസാരിക്കും.

കുടുംബ സംഗമത്തിന്റെ വിജയത്തിനായി എമ്പയർ റീജിയൻ ട്രെഷറർ  എബ്രഹാം കെ. എബ്രഹാം , വേദിയായി കമ്മ്യൂണിറ്റി സെന്റര് ഒരുക്കിയ റോയി ചെങ്ങന്നൂർ,  എമ്പയർ റീജിയൻ  കമ്മിറ്റിഅംഗങ്ങൾ  മുതലായവർ പ്രവർത്തിക്കുന്നു. വിഭവ സമൃദ്ധമായ സദ്യയോടെ കുടുംബ സംഗമം പര്യവസാനിക്കും.