America

ഇന്ത്യാ പ്രസ്ക്ലബ് കോൺഫ്രൻസിൽ മന്ത്രിമാരും പ്രമുഖ രാഷ്ട്രീയ - മാധ്യമ പ്രവർത്തകരും പങ്കെടുക്കും

അനിൽ മറ്റത്തികുന്നേൽ

Published

on

ചിക്കാഗോ: നവംബർ 11 മുതൽ 14 വരെ  ഗ്ലെൻവ്യൂ റിനൈസൻസ് ചിക്കാഗോ ഗ്ലെൻവ്യൂ സ്യൂട്ട്സിൽ വച്ച് നടത്തപെടുന്ന ഇന്ത്യാ പ്രസ്ക്ലബ്ബ് ഓഫ് നോർത്ത് അമേരിക്കയുടെ അന്താരാഷ്‌ട്ര മീഡിയാ കോൺഫ്രൻസിൽ കേരളത്തിലെ രാഷ്ട്രീയ രംഗത്തും മാധ്യമ രംഗത്തും ഉള്ള  പ്രമുഖർ പങ്കെടുക്കും.  കേരളാ ജലസേചനവ  മന്ത്രി റോഷി അഗസ്റ്റിൻ,   കേരളാ സംസ്ഥാന കൃഷി മന്ത്രി പി പ്രസാദ്,  പ്രതിപക്ഷ നേതാവ് വി ഡി സതീശൻ, ഉടുമ്പൻചോല  എം എൽ എ എം എം മണി, മുൻ എം. പി. ചെറിയാൻ കാപ്പന്റെ മകനും പാലാ എം എൽ എ യും സിനിമാ നിർമാതാവും, അഭിനേതാവുമായ  മാണി സി കാപ്പൻ,  അങ്കമാലി എം എൽ എ റോജി എം ജോൺ, പ്രമുഖ  മാധ്യമ പ്രവർത്തകരായ ജോണി ലൂക്കോസ് (മനോരമ ടിവി), കെ. എന്‍. ആര്‍. നമ്പൂതിരി (ജന്മഭൂമി), സിന്ധു സൂര്യകുമാർ (ഏഷ്യാനെറ്റ്), ഡി പ്രമേഷ്‌കുമാർ (മാതൃഭൂമി ടിവി), നിഷാ പുരുഷോത്തമൻ (മനോരമ ടിവി),  ക്രിസ്റ്റീനാ ചെറിയാൻ (24 ന്യുസ്),  പ്രതാപ് നായർ (ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷൻസ് ) ,  കെ ആന്റണി (മീഡിയ  മാനേജ്‌മെന്റ്) തുടങ്ങിയ പ്രമുഖരാണ്  എത്തുന്നത്.

കേരള രാഷ്ട്രീയത്തിൽ പ്രത്യേകിച്ച് മധ്യകേരളത്തിൽ സൗമ്യതകൊണ്ടും പ്രവർത്തനം കൊണ്ടും മികവ് തെളിയിക്കുകയും കേരളാകോൺഗ്രസിന്റെ യുവജന പ്രസ്ഥാനമായ യൂത്ത് ഫ്രണ്ടിലൂടെ വളർന്ന് ഇടുക്കി നിയമസഭാ മണ്ഡലത്തെ  വര്ഷങ്ങളായി പ്രതിനിധീകരിക്കുകയും ചെയ്യുന്ന ജനകീയ നേതാവാണ് റോഷി അഗസ്റ്റിൻ. കഴിഞ്ഞ തെരഞ്ഞെടുപ്പിലും കേരളാ കോൺഗ്രസ് മാണി ഗ്രൂപ്പിന്റെ മുന്നണിമാറ്റത്തിന് ശേഷവും ഇടുക്കി മണ്ഡലത്തെ ചേർത്ത് നിർത്തിക്കൊണ്ട് മന്ത്രിസഭയിൽ ജലസേചന വകുപ്പിൽ മികച്ച പ്രവർത്തനം നടത്തിവരുന്നു.

പിണറായി മന്ത്രിസഭയിലെ സൗമ്യനും കർമ്മ നിരതനുമായ കൃഷി മന്ത്രി പി പ്രസാദ്  വ്യകത്മായ കാഴ്ചപ്പാടുകൾ ഉള്ള ജനനേതാവാണ് . സി പി എം  സ്ഥാനാർത്ഥിയായി ചേർത്തല മണ്ഡലത്തെ പ്രതിനിധീകരിച്ച്  നിയമസഭയിൽ എത്തി  മന്ത്രിയായ അദ്ദേഹം കേരളത്തിലെ അറിയപ്പെടുന്ന പരിതസ്ഥിതി പ്രവർത്തകരിൽ ഒരാൾ കൂടിയാണ്.  നർമ്മദാ ബച്ചാവോ ആന്തോളൻ സമരത്തിൽ പങ്കെടുത്തിട്ടുള്ള അദ്ദേഹം കേരളത്തിലെ പ്ളാച്ചിമടയുൾപ്പെടെയുള്ള നിരവധി സമരങ്ങൾക്ക് നേതൃത്വം നൽകി.

കോൺഗ്രസ്  പാർട്ടിയുടെ പുതു തലമുറയിലെ തീപ്പൊരി നേതാവും പ്രതിപക്ഷ നേതാവുമായ വി ഡി സതീശണ് വലിയ പ്രതീക്ഷകളുണർത്തുന്ന നായകനാണ്. നാലാം തവണയും പറവൂർ നിയമസഭാ മണ്ഡലത്തെ പ്രതിനിധീകരിച്ച് നിയമസഭയിലേക്ക് എത്തിയ കോൺഗ്രസിന്റെ ഈ യുവതാരം പ്രതിപക്ഷ നേതാവായതോടെ പുതിയൊരു താരോദയത്തിന്റെ പ്രതീതിയാണ് ഉണ്ടായിട്ടുള്ളത്. നിയമസഭക്കകത്തും പുറത്തും തീപാറുന്ന പ്രസംഗങ്ങളോടെയും നിലപാടുകളോടെയും ജനഹൃദയങ്ങളിൽ സ്ഥാനം പിടിച്ച   വി ഡി സതീശന്റെ   സാന്നിധ്യം ഏറെ ശ്രദ്ധേയമാകും. നേരത്തെയും അദ്ദേഹം പ്രസ് ക്ലബ് കൺവൻഷനിൽ പങ്കെടുത്തിരുന്നു.

മൂന്നു എം എൽ മാർ കൂടിയെത്തുന്നുണ്ട്. സാധാരണക്കാരന്റെ ഭാഷയിൽ സാധാരക്കാരന്  വേണ്ടി ശബ്ദമുയർത്തുന്ന  മുൻ മന്ത്രി  ഉടുമ്പഞ്ചോലയുടെ സ്വന്തം മണിയാശാൻ എന്നറിപ്പെടുന്ന എം.എം. മണി,  പാലായിലെ വിജയത്തോടെ   കേരള രാഷ്ട്രീയത്തിൽ താരപരിവേഷമണിഞ്ഞ   മാണി സി കാപ്പൻ, അങ്കമാലിയിൽ നിന്നും വിജയിച്ച  യുവത്വത്തിന്റെ  പ്രസരിപ്പുള്ള  കോണ്ഗ്രൻസ് എം എൽ എ  റോജി എം ജോൺ  എന്നിവരുടെ വരവിനായി  അമേരിക്കൻ മലയാളികൾ കാത്തിരിക്കുന്നു .

മാധ്യമ രംഗത്ത് നിന്ന് മനോരമ ന്യൂസിന്റെ ന്യൂസ് ഡയറക്ടറാണ് മുതിർന്ന മാധ്യമ പ്രവർത്തകനായ ജോണി ലൂക്കോസ്.   കെ. എന്‍. ആര്‍. നമ്പൂതിരി ജന്മഭൂമി ചീഫ് എഡിറ്ററും കേരളത്തിലെ സീനിയർ പത്രപ്രവർത്തകരിൽ ഒരാളുമാണ് . മലയാള മനോരമയില്‍ നിന്ന്  2017ല്‍ അസിസ്റ്റന്റ് എഡിറ്റര്‍ ഗ്രേഡില്‍ സ്പോര്‍ട്സ് എഡിറ്റര്‍ ആയി വിരമിച്ച ശേഷമാണ് ജന്മഭൂമിയിൽ എഡിറ്ററായത്. ഏഷ്യാനെറ്റ് ന്യൂസിന്റെ എക്സിക്യൂട്ടീവ്  എഡിറ്റർ  ആയ  സിന്ധു സൂര്യകുമാർ  'കവർ സ്റ്റോറി' യിലൂടെ മലയാള ടെലിവിഷൻ പ്രേക്ഷകരെ സംബന്ധിച്ചിടത്തോളം ഏറെ സുപരിചിതയാണ്.

മാതൃഭൂമി ന്യൂസ് ടെലിവിഷന്റെ ഡെപ്യുട്ടി എഡിറ്റർ ഡി പ്രമേഷ് കുമാർ 'വക്ര ദൃഷ്ടി' എന്ന പ്രോഗ്രാമിലൂടെ വളരെ ശ്രദ്ധേയനാണ്,  മനോരമ ന്യൂസിന്റെ ചീഫ് ന്യൂസ് പ്രൊഡ്യൂസറും,  മലയാള ടെലിവിഷൻ ന്യൂസ് അവതാരകാരിൽ ഏറെ ശ്രദ്ധിക്കപ്പെടുന്നവരിൽ ഒരാളും കൂടിയായ  നിഷാ പുരുഷോത്തമൻ,  24 ന്യൂസ് ചീഫ് സബ് എഡിറ്റർ ക്രിസ്റ്റീന ചെറിയാൻ,  ഇപ്പോൾ ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷൻസ് ചാനലുകളുടെ ഹെഡ് ഓഫ് പ്രോഗ്രാം ആൻഡ് പ്രൊഡക്ഷൻസ് ആയ പ്രതാപ് നായർ., കൂടാതെ അറിയപ്പെടുന്ന മീഡിയ മാനേജ്‌മന്റ് വിദഗ്‌ധനും പ്രസാധകനുമായ കെ ആന്റണി എന്നിവരും കൂടി എത്തുന്നതോടെ  ഈ വർഷത്തെ  കോൺഫ്രൻസ് വ്യത്യസ്തമാകും

ഒരു നീണ്ട മഹാമാരിക്ക് ശേഷം നേരിട്ട് നോർത്ത് അമേരിക്കയിലെ എല്ലാ മാധ്യമ പ്രവർത്തകരും ഒത്തു ചേരുന്ന ഒരു വലിയ വേദിയായി ഇത് മാറുമെന്നതും, കേരളത്തിലെ രാഷ്ട്രീയ - മാധ്യമ പ്രവർത്തകർ എത്തുന്നത് തികച്ചും അഭിമാനകരം ആണെന്നു IPCNA നാഷണൽ എക്സിക്യൂട്ടീവ് കമ്മറ്റിക്ക് വേണ്ടി പ്രസിഡണ്ട് ബിജു കിഴക്കേക്കുട്ടും, ജനറൽ സെക്രട്ടറി സുനിൽ ട്രൈസ്റ്റാറും ട്രഷറർ ജീമോൻ ജോര്ജും  പറഞ്ഞു.  നോർത്ത് അമേരിക്കയിലെ സാമൂഹ്യ സംസ്കാരിക രംഗങ്ങളിൽ നിന്നുള്ള നേതാക്കളും, മുഖ്യ ധാര മാധ്യമരംഗത്തുള്ളവരും പങ്കെടുക്കും എന്ന് ഭാരവാഹികൾ പറയുകയുണ്ടായി.

ഇതിനോടനുബന്ധിച്ചു കേരളത്തിലെ മാധ്യമ പ്രവർത്തകർക്ക് നൽകുന്ന ഏറ്റവും വലിയ അവാർഡ് ആയ മാധ്യമ ശ്രീ,  മാധ്യമ രത്ന, മീഡിയ എക്‌സലൻസ് അവാർഡ് കൂടാതെ മറ്റു പ്രത്യേക അവാർഡുകളും നൽകും.  ചിക്കാഗോയിലെ റെനൈസ്സൻസ് വേദിയിൽ കോൺഫെറൻസിന്റെ ഗാല നൈറ്റിൽ നിരവധി കലാപരിപാടികളും ഉണ്ടായിരിക്കും. ഇന്ത്യ പ്രസ് ക്ലബ് ചിക്കാഗോ ചാപ്റ്റർ ആതിഥേയത്വം വഹിക്കുന്ന ചടങ്ങിന് നാഷണൽ എക്സിക്യൂട്ടീവ് കമ്മിറ്റി ചുക്കാൻ പിടിക്കും.  ബിജു കിഴക്കേക്കുറ്റ്, സുനിൽ ട്രൈസ്റ്റാർ, ജീമോൻ ജോർജ്, സുനിൽ തൈമറ്റം, ബിജിലി ജോർജ്‌, ഷിജോ പൗലോസ്., സജി എബ്രഹാം, ബിനു ചിലമ്പത്തു കൂടാതെ അഡ്വൈസറി ബോർഡും മറ്റു ചാപ്റ്റർ ഭാരവാഹികളും പ്രവർത്തന നിരതമാണ്.  കൂടുതൽ വിവരങ്ങൾക്ക് ബന്ധപ്പെടുക ബിജു കിഴക്കേക്കുറ്റ് ( 1-773-255-9777), സുനിൽ ട്രൈസ്റ്റാർ (1-917-662-1122), ജീമോൻ ജോർജ്ജ് (1-267-970-4267) www.indiapressclub.org

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സോളമനും നീതി ന്യായവും (തൊടുപുഴ കെ ശങ്കർ മുംബൈ)

അഞ്ചു വയസ്സു മുതലുള്ളവര്‍ക്ക് ഫൈസര്‍ വാക്‌സിന്‍ നല്‍കാന്‍ അനുമതി

ഡോ. ഇര്‍ഷാദ് കമ്മക്കകത്തിന് ഗവേഷണത്തിനുള്ള യുഎസ് സര്‍ക്കാരിന്റെ പേറ്റന്റ്

അനുപമയുടെ കുഞ്ഞിനുമുണ്ട് മൗലികഅവകാശം... (സനൂബ് ശശിധരൻ)

ഹൂസ്റ്റണില്‍ ഉപേക്ഷിക്കപ്പെട്ട നിലയില്‍ മൂന്നു കുട്ടികളും , 8 വയസ്സുകാരന്റെ മൃതദേഹവും ; മാതാവും കാമുകനും അറസ്റ്റില്‍

എഫ്.സി.സി അദ്ധ്യക്ഷയായി ജെസ്സിക്ക റോസന്‍ വോര്‍സിലിനെ ബൈഡന്‍ നോമിനേറ്റ് ചെയ്തു

റോക്ലാന്‍ഡ് സെയിന്റ് ജോണ്‍സ് ഓര്‍ത്തഡോക്‌സ് പള്ളിയിലെ മലയാളം സ്‌കൂളില്‍ വിദ്യാരംഭം

പരിശുദ്ധ കാതോലിക്കാബാവക്ക് ഇന്റര്‍നാഷ്ണല്‍ പ്രെയര്‍ ലൈന്‍ ആശംസകള്‍ നേര്‍ന്നു.

കെസിസിഎന്‍സി കുട്ടികള്‍ക്കുള്ള പാര്‍ക്ക് സ്ഥാപിച്ചു

വെള്ള വീട്ടിലെ നുണയന്മാര്‍(തുടരും) (കാര്‍ട്ടൂണ്‍ : സിംസ്ണ്‍)

'ചെറിയ പ്രവാചകന്മാര്‍' പ്രകാശനം ചെയ്തു

നോര്‍ത്ത് വെസ്റ്റ് അര്‍ക്കന്‍സാസ് മലയാളി അസോസിയേഷന് (നന്മ) പുതിയ നേതൃത്വം

തുറവൂർ താലൂക്ക് ആശുപത്രിക്ക് ഫോമാ വെന്റിലേറ്റർ സംഭാവന ചെയ്തു

പുറയംപളളില്‍ മറിയാമ്മ ജോസഫ് (97) അന്തരിച്ചു

ഈ മനോഹര തീരത്തുവരുമോ ഇനിയൊരു ജൻമം കൂടി (നൈന മണ്ണഞ്ചേരി)

മാത്യു കുരവക്കലിന് യാത്ര അയപ്പ്

യു.എസ്. യാത്രക്ക് വാക്‌സിനേഷന്‍ കാര്‍ഡ് വേണം; ടെസ്റ്റ് നടത്തണം

കാനഡയിലെ ആദ്യത്തെ ഹിന്ദു ക്യാബിനറ്റ് മന്ത്രി അനിത ആനന്ദിന് പ്രതിരോധ വകുപ്പ്

ഉറ്റ ബന്ധു ആര്? നമിതാ ജേക്കബിന്റെ പോസ്റ്റ് വരുത്തിയത് നയം മാറ്റം

ശോശാമ്മ മാത്തന്‍ (കുഞ്ഞുമോള്‍ -75) ഹൂസ്റ്റണില്‍ അന്തരിച്ചു

കനത്ത മഴയും കാറ്റും: ന്യൂജേഴ്‌സിയും ന്യൂയോർക്കും അടിയന്തരാവസ്ഥ പ്രഖ്യാപിച്ചു

വാക്സിൻ വിരുദ്ധർക്ക് ഫ്ലോറിഡ ഗവർണറുടെ വാഗ്‌ദാനം

കേരള ഹിന്ദൂസ് ഓഫ് നോര്‍ത്ത് അമേരിക്ക കണ്‍വന്‍ഷനില്‍ മെഗാ മോഹിനിയാട്ടം

ഡിട്രോയ്റ്റ് മാര്‍ത്തോമാ ചര്‍ച്ചില്‍ ആരോഗ്യപ്രവര്‍ത്തകരെ ആദരിച്ചു

ന്യൂയോര്‍ക്ക് സിറ്റി വാക്‌സിന്‍ മാന്‍ഡേറ്റിനെതിരെ മുന്‍സിപ്പല്‍ ജീവനക്കാരുടെ പ്രതിഷേധമിരമ്പി

പ്രൊഫ: വി ജി തമ്പി യുടെ 'അന്ത്യ ശയന'ത്തിനു അമേരിക്ക ഉള്‍പ്പെടെ അഞ്ച് രാജ്യങ്ങളുടെ അംഗീകാരം

അമ്മ കേരളാപിറവി ആഘോഷം ഒക്ടോബർ 30ന്

ലോസ് ആഞ്ചലസിൽ ഇന്‍ഫെന്റ്‌ മിനിസ്ട്രി പ്രവർത്തനങ്ങൾക്ക് തുടക്കമായി

യുഎസിലും  ഉഗ്രവ്യാപനശേഷിയുള്ള കോവിഡ്  AY.4.2 കണ്ടെത്തി

മാരത്തൺ ഓട്ടത്തിൽ തുടർ വിജയഗാഥയുമായി  സിറിൽ ജോസ്, ജെയിംസ് തടത്തിൽ

View More