അണ്ഡ കോശത്തിന്റെ

ആത്മാവി ലാനന്ദ

തുന്ദില മോഹ പരാഗം ,

ആരോ വരുന്നുവെ, ന്നാകെ കുളിരുന്നോ രാവേശ

മോഹ വിലാസം !

ജീവൻ പ്രപഞ്ച

ചൈതന്യ നിരാമയ

ഭാഗം തുടിക്കും സരസം ,

ആദിയാം സത്യാ

സമസ്തത പൂവിട്ട

കാല പ്രവാഹ സുഗന്ധം !

ആരോ വിളിക്കുന്നു

പോരൂ പ്രിയപ്പെട്ട

ശാരിക തേൻ കിളി കുഞ്ഞേ,

കൂടൊരുക്കുന്നു ഞാൻ

നിന്നെ കിടത്തുവാൻ

ഭൂമിയാം വായു വിരിപ്പിൽ !

പാടിയുറക്കുമീ

താരാട്ടിൽ വിശ്വയ്ക

സ്നേഹ പ്രവാഹം ചുരത്തി,

ആടിയുറങ്ങാൻ

പ്രപഞ്ചം കളിപ്പാട്ട ജാലം

നിരത്തും നിൻ കണ്ണിൽ !

ആയതി, നാദി

മഹാ വികാസത്തിന്റെ

ആത്മ പ്രചോദന ഹേതു ,

കാലാന്തരത്തിന്റെ

തൊട്ടിലിൽ വാത്സല്യ

താരാട്ട്  പാട്ടായി ദൈവം !