രാജ്യത്തെ 20 മില്യൺ മുതിർന്ന പൗരന്മാർക്കു ഓരോരുത്തർക്കും $100നടുത്ത പണം നൽകുമെന്നു പ്രസിഡന്റ് ട്രംപ് വെള്ളിയാഴ്ച്ച പ്രഖ്യാപിച്ചു. മെഡിക്കെയർ പാർട്ട് ബി ഗഡു അടയ്ക്കാനുള്ള സഹായമാണ് നൽകുന്നതെന്നു ട്രംപ് പറഞ്ഞു.

നവംബർ 3 ഇടക്കാല തിരഞ്ഞെടുപ്പിന് ഒരു മാസം മാത്രം ബാക്കി നിൽക്കെയാണ് ഈ പ്രഖ്യാപനം.

ഒക്ടോബറിൽ തന്നെ $90 ഗുണഭോക്താക്കളുടെ അക്കൗണ്ടിൽ എത്തുമെന്നു വൈറ്റ് ഹൗസ് അറിയിച്ചു. അത്തരം സൗകര്യം ഇല്ലാത്തവർക്കു ചെക്കുകൾ അയക്കും.

ഈ പണം വരുന്നത് മെഡിക്കെയർ ഇമ്പ്രൂവ്മെൻറ് ഫണ്ടിൽ നിന്നാണെന്നു ട്രംപ് വ്യക്തമാക്കി. ഡെമോക്രാറ്റുകൾ ആ ഫണ്ട് ദുരുപയോഗം ചെയ്തതായി അദ്ദേഹം ആക്ഷേപിച്ചു.

റിപ്പബ്ലിക്കൻ പാർട്ടി തിരഞ്ഞെടുപ്പിൽ ജയിച്ചു കോൺഗ്രസിന്റെ നിയന്ത്രണം പിടിച്ചാൽ മുതിർന്നവർക്കു $500 വീതം നൽകുമെന്നു ട്രംപ് നേരത്തെ പ്രഖ്യാപിച്ചിരുന്നു. ശനിയാഴ്ച്ച വീഡിയോ സന്ദേശത്തിൽ ട്രംപ് ആ വാഗ്‌ദാനം ആവർത്തിച്ചു. ട്രംപിന്റെ നയങ്ങളോടുള്ള എതിർപ്പാണ് പാർട്ടിക്കു യഥാർഥത്തിൽ വെല്ലുവിളി.  

Trump "nearly $100" checks will be sent to 20 million seniors