ബോളിവുഡ് ഇതിഹാസതാരം അമിതാഭ് ബച്ചന്‍ മകന്‍ അഭിഷേകുമായുള്ള ബന്ധത്തെക്കുറിച്ചും തലമുറകള്‍ തമ്മിലുള്ള പരസ്പര ബഹുമാനത്തെക്കുറിച്ചും മനസുതുറന്നു. രണ്ടു തലമുറകള്‍ക്കു വ്യത്യസ്ത കാഴ്ചപ്പാടുകള്‍ ഉണ്ടാകാമെങ്കിലും ലക്ഷ്യം ഒന്നുതന്നെയായിരിക്കുമെന്ന സന്ദേശമാണ് അദ്ദേഹം തന്റെ ബ്ലോഗിലൂടെ പങ്കുവച്ചത്.

അച്ഛനും മകനും ഒരേ വേദിയിലിരിക്കുന്നു; അവരുടെ ആശയങ്ങള്‍ വ്യത്യസ്തമായിരിക്കാം... എന്നാല്‍ ലക്ഷ്യം ഒന്നുതന്നെയാണ്' - ബച്ചന്‍ കുറിച്ചു. പുതിയ തലമുറയുടെ തീരുമാനങ്ങളെയും കാഴ്ചപ്പാടുകളെയും ബഹുമാനിക്കേണ്ടതിന്റെ പ്രാധാന്യത്തെക്കുറിച്ചും ബച്ചന്‍ ഓര്‍മിപ്പിച്ചു. പരസ്പര സ്‌നേഹത്തിലും ബഹുമാനത്തിലും ഊന്നിയുള്ള ആശയവിനിമയം പൊതുവായ ലക്ഷ്യങ്ങളിലേക്കെത്തുമെന്നും ബച്ചന്‍ പറഞ്ഞു.

നിലവില്‍ 'കോന്‍ ബനേഗ ക്രോര്‍പതി' (കെബിസി) യുടെ 18-ാം സീസണിന്റെ തിരക്കുകളിലാണ് അമിതാഭ് ബച്ചന്‍.