ബഹ്റൈന്‍ ദേശീയ ദിനാഘോഷങ്ങളുടെ ഭാഗമായി, കൊല്ലം പ്രവാസി അസോസിയേഷന്‍  മുഹറഖ് ഏരിയ കമ്മിറ്റിയുടെ നേതൃത്വത്തില്‍ ഹിദ്ദ് പ്രദേശത്തെ വിവിധ ലേബര്‍ ക്യാമ്പുകളില്‍ മധുരവിതരണം സംഘടിപ്പിച്ചു.
പ്രവാസി സഹോദരങ്ങളുമായി ആഘോഷത്തിന്റെ സന്തോഷം പങ്കിടുകയും, സഹജീവിതത്തിന്റെ കരുതലും ഐക്യവും പ്രകടിപ്പിക്കുകയും ചെയ്യുന്ന ഈ പരിപാടി, കെ. പി എ യുടെ സാമൂഹിക പ്രതിബദ്ധതയുടെ തെളിവായി മാറി.

പരിപാടിയുടെ വിജയകരമായ നടത്തിപ്പിന് കെ.പി.എ മുഹറഖ് ഏരിയ കോര്‍ഡിനേറ്റര്‍ ഷാഹിന്‍ മഞ്ഞപ്പാറ, ഏരിയ പ്രസിഡന്റ് മുനീര്‍, ഏരിയ സെക്രട്ടറി ഷെഫീഖ് എബ്രാഹിംകുട്ടി, ഏരിയ വൈസ് പ്രസിഡന്റ് അജൂബ്, ഏരിയ ട്രഷറര്‍ അജി അനിരുദ്ധന്‍ എന്നിവര്‍ നേതൃത്വം നല്‍കി. കൂടാതെ, കെ.പി.എ പ്രവാസി ശ്രീ അംഗങ്ങള്‍  സജീവ പങ്കാളികളായി.