സുഹാസിനി : മൂന്നാം ഗാന്ധിജയന്തി എന്ന പേരില് ഗ്രൂപ്പിലൊക്കെ നിങ്ങടെ ഒരു കവിത കറങ്ങുന്നുണ്ടല്ലോ.. എന്താ ഈ രണ്ടാം ജയന്തി.
ശശി : ഒന്നാം ഓണം രണ്ടാം ഓണം എന്നൊക്കെ പറയും പോലെ ഗാന്ധി ജയന്തിടെ മൂന്നാം ദിവസം
സുഹാസിനി : നിങളെ ഗാന്ധിജിടെ കൈയില് കിട്ടിയാല് മറ്റൊരു ദണ്ഡി സംഭവം ഉണ്ടാകുമായിരുന്നു.
ശശി: അതെന്ത് ?
സുഹാസിനി : കൈയിലെ ദണ്ഡ് കൊണ്ട് നിങ്ങളെ തല്ലിക്കൊല്ലുമായിരുന്നു
ശശി : ഞങ്ങള് വാട്സ് ആപ്പ് കവികളുടെ കൈയില് 70 കഴിഞ്ഞ പ്രമുഖരുടെ എല്ലാവരേയും പറ്റി കവിതകള് റെഡിയായിരിക്കും.
സുഹാസിനി : അതെന്തിന്?
ശശി : മരിച്ചാല് ഉടനെ ഗ്രൂപ്പില് തട്ടാന് . ഉമ്മന് ചാണ്ടിയൊക്കെ മരിച്ച വിവരം ഹോസ്പിറ്റല് ഡിക്ലയര് ചെയ്യും മുമ്പ് കവിത വന്നിരുന്നു സോഷ്യല് മീഡിയകളില് .
സുഹാസിനി : അപ്പോള് വയസ്സാവാതെ വല്ല അപകടത്തിലും മരിച്ചാലോ ?
ശശി : അപ്പോള് മരിക്കാന് Delay ഉള്ളവരുടെ പേര് മാറ്റി ഗ്രൂപ്പില് തട്ടും.
സുഹാസിനി : രക്ഷപ്പെടും എന്ന് വിചാരിച്ചവരൊക്കെ പെട്ടെന്ന് മരിച്ചു എന്ന് കേള്ക്കുന്നത് ഇത് കൊണ്ടാണല്ലേ.
ശശി : എന്ത് കൊണ്ട് ?
സുഹാസിനി : നഴ്സ് ഈ കവിതകള് രോഗിയെ വായ്ച്ച് കേള്പ്പിക്കുന്നുണ്ടാവും. അല്ല പിന്നെ
രാജന് കിണറ്റിങ്കര