നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി & യൂത്ത് കോണ്‍ഫറന്‍സിന്റെ മൂന്നാം ദിവസം അര്‍ദ്ധരാത്രി പ്രാര്‍ത്ഥനയോടെ ആരംഭിച്ചു. ഫാ. വി.എം. ഷിബുവും ഫാ. ജെറി വര്‍ഗീസും യഥാക്രമം മലയാളത്തിലും ഇംഗ്ലീഷിലും ധ്യാന പ്രസംഗങ്ങള്‍ നയിച്ചു.

സ്തേപ്പാനോസ് സഹദാ പീഡിപ്പിക്കപ്പെട്ടപ്പോഴും മാലാഖമാരെപ്പോലെ തിളങ്ങിനിന്നതുപോലെ ജീവിതത്തിലും വെല്ലുവിളികള്‍ നേരിടണമെന്ന് ഫാ. ഷിബു  ഉദ്‌ബോധിപ്പിച്ചു.

ഫോക്കസ് മുഖ്യപ്രഭാഷണം ഫാ. മാറ്റ് അലക്‌സാണ്ടര്‍ നയിച്ചു.   കൈവിട്ടുപോകുന്ന പൈതൃകത്തെക്കുറിച്ചും ദൈവം നമ്മില്‍ നിന്ന് ആഗ്രഹിക്കുന്ന പൈതൃകത്തെക്കുറിച്ചും അദ്ദേഹം ഓര്‍മിപ്പിച്ചു. ഗ്രീക്കുകാരായ ഒരു അമ്മയ്ക്കും അമ്മൂമ്മയ്ക്കും ജനിച്ച തിമോത്തിയെ വെല്ലുവിളികള്‍  ഉണ്ടായിരുന്നിട്ടും അവര്‍ വിശ്വാസത്തില്‍ വളര്‍ത്തി, അവന്‍ സഭയുടെ ഒരു വിശുദ്ധനും ബിഷപ്പുമായി വളര്‍ന്നുവെന്നത് അവിസ്മരണീയമാണ്.

അഭിവന്ദ്യ എബ്രഹാം മാര്‍ സ്‌തേഫാനോസ് മെത്രാപ്പോലീത്തയുടെ നേതൃത്വത്തില്‍ നടന്ന സൂപ്പര്‍ സെഷന്‍ നമ്മുടെ ജീവിതാനുഭവങ്ങളെ സഭയുടെ കൂദാശയും ആരാധനാക്രമവുമായ ജീവിതവുമായി സമന്വയിപ്പിക്കുന്നതായിരുന്നു. സൂപ്പര്‍-സെഷന്‍ ഒരു സംവേദനാത്മക സെഷനായിരുന്നു, അതില്‍ വിശ്വാസികളുടെ  ചോദ്യങ്ങള്‍ക്കു മെത്രാപ്പോലീത്ത ഉത്തരം നല്‍കി.

എം.ജി.ഒ.സി.എസ്.എമ്മിന് വേണ്ടി ഫാ.എബി ജോര്‍ജ്, ഫാ.ഡെന്നിസ് മത്തായി എന്നിവര്‍ സെഷനുകള്‍ക്ക് നേതൃത്വം നല്‍കി. സണ്‍ഡേ സ്‌കൂള്‍ സെഷനുകള്‍ക്ക് റിന്റു മാത്യു, അകില സണ്ണി, ഐറിന്‍ ജോര്‍ജ്, സേറ മത്തായി, മേരിയാന്‍  കോശി, സ്റ്റെഫനി ബിജു എന്നിവര്‍ നേതൃത്വം നല്‍കി. വിവിധ പ്രായക്കാര്‍ക്കായി തീം അവതരണങ്ങളെ അടിസ്ഥാനമാക്കിയുള്ള ഗ്രൂപ്പ് ചര്‍ച്ചകള്‍ നടന്നു.

ഉച്ചപ്രാര്‍ത്ഥനയ്ക്കും ധ്യാനത്തിനും ശേഷം ഗ്രൂപ്പ് ചിത്രങ്ങള്‍ എടുത്തു.
ഉച്ചഭക്ഷണത്തിനു ശേഷം, ഭദ്രാസനത്തിന്റെയും സഭയുടെയും പൊതുവിലുള്ള പ്രവര്‍ത്തനങ്ങളെപ്പറ്റി അറിയിക്കാന്‍  സഖറിയ മാര്‍ നിക്കളാവോസ് മെത്രാപ്പോലിത്ത ഒരു മീറ്റിംഗ് നടത്തി.  ഉച്ചകഴിഞ്ഞ് കുട്ടികള്‍ക്കും യുവജനങ്ങള്‍ക്കുമായി നിരവധി സെഷനുകള്‍ നടന്നു. 

തുടര്‍ന്ന് നടന്ന പൊതുസമ്മേളനത്തില്‍ കോണ്‍ഫറന്‍സ് സുവനീര്‍ പ്രകാശനം ചെയ്തു. അഭിവന്ദ്യ എബ്രഹാം മാര്‍ സ്‌തേഫാനോസ് മെത്രാപ്പോലീത്തയ്ക്ക് സുവനീറിന്റെ ആദ്യ കോപ്പി നല്‍കി അഭിവന്ദ്യ സഖറിയ മാര്‍ നിഖളാവോസ്  മെത്രാപ്പോലീത്ത സുവനീര്‍ പ്രകാശനം ചെയ്തു. സുവനീര്‍ കമ്മിറ്റിക്കും ലേഖനങ്ങളും പരസ്യങ്ങളും അഭിനന്ദനങ്ങളും നല്‍കി പിന്തുണച്ച എല്ലാവര്‍ക്കും സുവനീര്‍ എഡിറ്റര്‍ സൂസന്‍ ജോണ്‍ വറുഗീസും സുവനീര്‍ ഫിനാന്‍സ് മാനേജര്‍ സജി എം. പോത്തനും നന്ദി പറഞ്ഞു. കോണ്‍ഫറന്‍സ്  വിജയിപ്പിക്കാന്‍ സഹകരിച്ച് പ്രവര്‍ത്തിച്ച എല്ലാ സബ് കമ്മിറ്റികള്‍ക്കും കോണ്‍ഫറന്‍സ് കോര്‍ഡിനേറ്റര്‍ ഫാ. സണ്ണി ജോസഫും  സെക്രട്ടറി ചെറിയാന്‍ പെരുമാളും ട്രഷറര്‍ മാത്യു ജോഷ്വയും നന്ദി അറിയിച്ചു.

സന്ധ്യാപ്രാര്‍ത്ഥനയ്ക്കു ശേഷം അഭിവന്ദ്യ എബ്രഹാം മാര്‍ സ്‌തേഫാനോസും ഫാ. മാറ്റ് അലക്‌സാണ്ടറും  ധ്യാനം  നയിച   തുടര്‍ന്ന് കുമ്പസാരവും കൗണ്‍സിലിംഗ് സെഷനുകളും നടത്തി.