ബൈബിൾ വ്യഖ്യാനം നടുത്തുന്നവർ ഒരു കാര്യം ശ്രദ്ധിച്ചാൽ നാന്നയിരിക്കും, എല്ലാ മതങ്ങളും ഒരു സത്യത്തിൽ വിശ്വസിക്കുന്നു . അതായത് ഇതുവരേയും വ്യക്തമായി ആർക്കും മനസിലാക്കാൻ കഴിയാത്ത എന്തോ ഒരു അദൃശ്യ ശക്തി എവിടെയോ മറഞ്ഞു നിൽക്കുന്നു. ചിലർ പറയുന്നു അത് ബ്രഹ്മ-പുത്ര-മഹേശ്വരന്മാർ ആണെന്ന് , മറ്റു ചിലർ വാദിക്കുന്നു അത് പിതാവ് -പുത്രൻ -പരിശുദ്ധാത്മാവാണെന്ന് . ചിലർ പറയുന്നു അത് അല്ലാഹു ആണെന്ന് . വേറെ ചിലർ പറയുന്നു അത് യാഹവ് ആണെന്ന് . എന്തായാലും ഇതിലെല്ലാം ഒരു സമാനത കണ്ടെത്താൻ കഴിയുന്നവർക്കേ മനുഷ്യരെ ഒന്നായി കാണാൻ കഴിയുകയുള്ളു . ഞാൻ വളരെ താത്പര്യത്തോടെ വായിച്ച ഒരു ഗ്രന്ഥമാണ് 'ദിവ്യസംഗീതം " അരവിന്ദാക്ഷമേനോനാണ് ഇതെഴുതിയത് . അതിന്റെ അവതാരിക തുടങ്ങുന്നത്, "ഏകം സത്, വിപ്രാ ബഹുധാ വദന്തി" എന്ന വാക്യത്തോടെയാണ് . ഇതിന്റെ അർഥം സത്യം ഒന്നുമാത്രം, പണ്ഡിതന്മാർ പല പേരുകളിൽ അതിനെ വിളിക്കുന്നു . സത്യം അന്വേഷിക്കുന്നവർക്ക് 'ആത്മീയാഹ്‌ളാദം' പകരുന്ന ഒരു ഗ്രന്ഥമാണിത്. നിങ്ങളുടെ ചിന്തയ്ക്കായി ഒരു ഭാഗം ഇവിടെ ഉദ്ധരിക്കുന്നു . "ഋഗ്വേദം പത്താം മണ്ഡലത്തിൽ നിറഞ്ഞു നിൽക്കുന്ന 'പ്രജാപതി' യെന്ന പുരുഷ സങ്കല്പമാണ് (?) ഈ സമാനതയുടെ കേന്ദ്ര ബിന്ദു . വീശുദ്ധ ബൈബിളിലെ യേശുനാഥന്റെ ജനന ജീവിതങ്ങൾ ഈ പുരുഷ സങ്കല്പവുമായി വ്യക്തമായ സാധർമ്മ്യം പുലർത്തുന്നു. ഋഗ്വേദം പത്താം മണ്ഡലം നൂറ്റി ഇരുപത്തിയൊന്നാം മന്ത്രത്തിൽ ഈ ജനന വിസ്തരം ഇപ്രകാരം കാണാം : "ഹിരണ്യഗർഭ സമവർത്തതാഗ്രേ ഭൂതസ്യജാത പതിരേക ആസീത് സദാധാര വൃഥിവീം ദ്യാമുതേമം കസ്മൈദേവായ ഹവിഷാ വിധേമ:" ഹിരണ്മയമായ അണ്ഡം ഗർഭത്തിലുള്ളവൻ ഹിരണ്യഗർഭൻ എന്ന പ്രജാപതി പ്രപഞ്ചോല്പത്തിക്ക് മുമ്പേ പരമാത്മാവിൽ നിന്ന് ജനിച്ചു. അവിടന്ന് ജനിച്ച ഉടൻ തന്നെ ബ്രഹ്‌മാണ്ഡദി സകല ജഗത്തിനും ഏകനായ ഈശ്വരനായി. വിസ്തീർണ്ണമായ ദ്യോവിനേയും കാണപ്പെടുന്ന മുമ്പിലുള്ള ഈ ഭൂമിയേയും അവിടുന്നു ധരിക്കുന്നു . 'കൻ' എന്ന പേരോടുകൂടിയ ആ പ്രജാപതിയെ നാം അവിസ്സുകൊണ്ട് ആദരിക്കുന്നു . '' (ഋഗ്വേദം X :121 :1 ) ഈ ദൈവത്തിന്റെ ജനനത്തെപ്പറ്റി ഐതരേയോപനിഷത്തിലും പരാമർശമുണ്ട്:- " സ ഈക്ഷതീമ നു ലോക ലോകാ പാലനുസൃജ ഇതി സോദ്ഭായ ഏവ പുരുഷം സമുദ്രത്യ മൂർച്ഛയാത് " ആകാശം,ജലം, ഭൂമി ഇവയെ സൃഷ്‌ടിച്ച ശേഷം ദൈവത്തിന്റെ പരമാത്മാവ് ഇപ്രകാരം ചിന്തിച്ചു . " ഞാൻ ലോകങ്ങളെ സൃഷ്ടിച്ചു ഇനി ഇവയ്ക്കായി ഒരു രക്ഷകനെ സൃഷിടിക്കേണ്ടിയിരിക്കുന്നു " ഇങ്ങനെ ചിന്തിച്ചു കൊണ്ട് പരമാതാവ് തന്നിൽ നിന്നു തന്നെ ഒരു പുരുഷനെ പുറപ്പെടുവിച്ചു . (ഐതരേയോപനിഷത്ത് 1:1 :3 ) ദൈവാത്മജനായ രക്ഷകന്റെ ജനനത്തെപ്പറ്റി വിശുദ്ധ ബൈബിളിൽ മത്തായി, ലൂക്കാ,യോഹന്നാൻ എന്നീ വിശുദ്ധരുടെ സുവിശേഷ ഗ്രന്ഥങ്ങളിലെ തിരുവചനങ്ങൾ മേലുദ്ധരിച്ച വേദഭാഗങ്ങളുമായി പ്രത്യക്ഷവും പരോക്ഷവുമായി സമാനത പുലർത്തുന്നു. ഇവിടെ ഒരു സംശയം സ്വാഭാവികമായിത്തന്നെ ഉണ്ടാവാം. പ്രപഞ്ചോല്പത്തിക്ക് മുമ്പേ ജനിച്ച പ്രചാപതി , കേവലം രണ്ടായിരം വര്ഷം മുൻപ് ജനിച്ച യേശുവാക്കുന്നതെങ്ങനെ ? യോഹന്നാൻ 8:58 നമുക്കുത്തരമരുളുന്നു " യേശു പറഞ്ഞു: സത്യം സത്യമായി ഞാൻ നിങ്ങളോട് പറയുന്നു, അബ്രാഹം ഉണ്ടാകുന്നതിന് മുൻപ് ഞാനുണ്ട്. കൊളോസ്യലേഖനം 1:15:17 ഇത് ശരിവയ്ക്കുകയും ചെയ്യുന്നു. " അവൻ അദൃശ്യനായ ദൈവത്തിന്റ പ്രതിരൂപവും എല്ലാ സൃഷ്ടികൾക്ക് മുമ്പുള്ള ആദ്യജാതനുമാണ്. കാരണം അവനിൽ സ്വർഗ്ഗത്തിലും ഭൂമിയിലുമുള്ള ദൃശ്യവും അദൃശ്യവുമായ എല്ലാ വസ്തുക്കളും സൃഷ്ടിക്കപ്പെട്ടു . അവനാണ് എല്ലാറ്റിലും മുമ്പുള്ളവൻ . അവനിൽ സമസ്തവും സ്ഥിതിചെയ്യുന്നു. " ഇത് സ്വന്തം മതത്തെ ഉയർത്താൻ ശ്രമിക്കുന്നവർ അറിഞ്ഞിരിക്കണം . സ്വന്തം വേദം മാത്രമല്ല, മറ്റു വേദങ്ങളും ഖുറാനും ഒക്കെ പഠിച്ചിരിക്കണം. പക്ഷെ മതം കച്ചവടം ആക്കിയവർ ഇതവഗണിക്കും . കാരണം അവരുടെ സുഖകരമായ ജീവിതം ഇതിൽ നിന്നാണ്. "ഏകം സത്, വിപ്രാ ബഹുധാ വദന്തി" ഒരു സത്യമേയുള്ളൂ ബാക്കി വ്യഖ്യാനങ്ങൾ മാത്രമാണ് . അതിലെ ഒരു വ്യഖാനം മാത്രമായിട്ടാണ് ഞാൻ വെബ് സൈറ്റിനെ കാണുന്നത്. കച്ചവട മത പ്രചാരണത്തിന്റെ മറ്റൊരു മുഖം.! വിദ്യാധരൻ