ന്യൂയോര്ക്ക് : ലോങ് ഐലന്റ് ആസ്ഥാനമായി കഴിഞ്ഞ 20 വര്ഷമായി പ്രവര്ത്തിക്കുന്ന ജീവകാരുണ്യ സംഘനടയാണ് ഹെല്പിങ് ഹാന്ഡ്സ് ഓഫ് കേരള. ഈ വര്ഷത്തെ ഫണ്ട് റൈസിംഗ് പ്രോഗ്രാം ഡിസംബര് 5-ാം തിയതി രാവിലെ 11 മണി മുതല് ക്വീന്സ് ഹൈ സ്കൂള് ഓഫ് ടീച്ചിംഗ് (ഗ്ലെന് ഓക്സ് ആഡിറ്റോറിയം) ത്തില് വെച്ച് നടത്തപ്പെടുന്നതാണ്.
പബ്ലിക്ക് മീറ്റിംഗിനുശേഷം നടക്കുന്ന കള്ച്ചറല് പ്രോഗ്രാമില് പ്രശസ്ത നൃത്ത്യവിദ്യാലയങ്ങളായ നൂപുരാ ആര്ട്സ് ആന്റ് മയൂര സ്കൂള് ഓഫ് ആര്ട്സിലെ നടനകലയുടെ കുലപതിമാര് അവതരിപ്പിക്കുന്ന നൃത്തരംഗങ്ങള്, ഹിസ് വോയിസ് ന്റെ സച്ചിന് റോയ് നയിക്കുന്ന ഹെവന്ലി ഇന്സ്പയേര്ഡ് സോങ് കൂടാതെ ഗസ്റ്റ് സിങ്ങേഴ്സിന്റെ ഇമ്പമാര്ന്ന ഗാനവീചികള് ഏന്തിയ ഈ പ്രോഗ്രാമിന്റെ മാറ്റ് കൂടുമെന്ന് ഇതിന്റെ കോഡിനേറ്റര് ലാലി കളപ്പുരക്കല് അറിയിച്ചു.
നമ്മുടെ ജന്മനാട്ടിലെ നിരാലംബരും ആലംബഹീനരുമായ സഹജീവികളുടെ കണ്ണീരൊപ്പാന് ഈ ജീവകാരുണ്യ സംഘടന നടത്തുന്ന ഫണ്ട് റൈസിംഗ് പ്രോഗ്രാം വിജയിപ്പിക്കുവാന് ഏവരുടെയും സഹായ സഹകരണങ്ങള് പ്രസിഡന്റ് ജോസഫ് സി തോമസും മറ്റു ഭാരവാഹികളും അഭ്യര്ത്ഥിക്കുന്നു. ഈ സംഘടനയുമായി ചേര്ന്നു പ്രവര്ത്തിക്കുവാന് ആഗ്രഹിക്കുന്നവര് താഴെ പറയുന്ന നമ്പരുമായി ബന്ധപ്പെടുക:
ജോസഫ് സി തോമസ് (പ്രസിഡന്റ്) - 516-546-6941
ഷൈനി മാത്യൂ (സെക്രട്ടറി) - 516-739-6617
ഏബ്രഹാം ജോസഫ് (ട്രഷറര്) - 718-343-7748
ലാലി കളപ്പുരയ്ക്കല് (കോ-ഓര്ഡിനേറ്റര്) - 516- 931-7866