ടൊറോന്റോ : സ്ത്രീശാക്തീകരണത്തോടൊപ്പം കലാസാംസ്ക്കാരിക വളര്ച്ചയും
പ്രോത്സാഹനവും ലക്ഷ്യമിട്ട് പ്രവര്ത്തിക്കുന്ന ഡാന്സിംഗ് ഡാംസല്സ്
സംഘടിപ്പിക്കുന്ന 2ാ-മത് ടൊറോന്റോ ഇന്റര്നാഷണല് ഡാന്സ് ഫെസ്റ്റിവല് (TIDF
2015 ) ഒക്ടോബര് 24 ശനിയാഴ്ച ടൊറോന്റോയിലുള്ള ഹമാസ്കയിന് വേള്ഡ് ക്ലാസ്സ്
തിയേറ്ററില് (അര്മേനിയന് യൂത്ത് സെന്റര് 50 Hall Crown Place, Toronto)
നടക്കും.
വൈകുന്നേരം 6 മണിക്ക് ആരംഭിക്കുന്ന നൃത്തോത്സവത്തില്
മോഹിനിയാട്ടം, കുച്ചിപ്പുടി, ഭരതനാട്യം, ഒഡീസ്സി , കഥക് , ബോളിവുഡ് തുടങ്ങിയ 6
ഇന്ത്യന് ഡാന്സുകളും ഹിപ് ഹോപ് , ടാന്ഗോ, സ്വിംഗ് , മെക്സിക്കന്, ചൈനീസ് ,
ജാസ് , ജൂയിഷ് , പോളിഷ് , ലാറ്റിന്, ടാപ്പ് , വാക്കിംഗ് തുടങ്ങിയ ഇരുപതോളം
അന്താരാഷ്ട്ര ഡാന്സ് ഇനങ്ങളും അരങ്ങേറും .
മാലാ പിഷാരടി, ഗായത്രിദേവി
വിജയകുമാര്, ഡോ.മുക്കുര് ഡേ, പൂജാ അമിന് , രശ്മി ഡേവ് എന്നിവരാണ് ഇന്ത്യന്
നൃത്ത രൂപങ്ങള് അവതരിപ്പിക്കുന്നത് . `രാജന് സഹോദരി`മാരെന്ന് പേരുകേട്ട
ഡാന്സിംഗ് ഡാംസല്സ് മാനേജിംഗ് ഡയറക്ടര് മേരി അശോകും, കാല്ഗരിയിലുള്ള സോണി
മാര്ക്കസ് സാമുവേലും മദ്രാസിലുള്ള സോഫി സതീഷും 20 വര്ഷങ്ങള്ക്ക് ശേഷം
ഒരുമിച്ച് ഒരു വേദിയില് നൃത്തമഭ്യസിക്കുന്നെന്ന പ്രത്യേകതയുമുണ്ട് ഈ വര്ഷത്തെ
ഡാന്സ് ഫെസ്റ്റിവലിന് .പ്രമുഖ ടെലിവിഷന് അവതാരക ഷാന്നന് സ്കിന്നെര്,
സെനറ്റര് ഡോ. ആശാ സേത്ത് , ഉള്പ്പെടെ നിരവധി വിശിഷ്ടാതിഥികള് ഉദ് ഘാടന
ചടങ്ങില് പങ്കെടുക്കും.
കൂടുതല് വിവരങ്ങള്ക്ക് www.ddshows.com
സന്ദര്ശിക്കുക . ഫോണിലൂടെ വിവരങ്ങള് അറിയാന് 416.788.6412 ( മേരി അശോക് ),
647.793.4959 (ഫൗസിയ ഖാന് ), 416.371.9942 (ശോഭാ ശേഖര് ), 647.389.8555 (ആശാ
വിശ്വനാഥ് ) 647.633.6146 (കുശാലിനി കുമാര് ) എന്നീ നംബരുകളില്
ബന്ധപ്പെടാവുന്നതാണ് .