ഇത്രയൊന്നും കടുത്ത മല്സരം വേണ്ട (ഫിലിപ്പ് ചെറിയാൻ)

ഫോമയിൽ അറിയപ്പെടാത്ത ഒരു വ്യക്തിയാണ് ഞാൻ. അപ്രതീക്ഷമായി ഒരു സംഘടനയുടെ ഡെലിഗേറ്റ് ആയി. ഇന്നുവരെ വിളിക്കാത്തവർ എല്ലാവരും കുറഞ്ഞത് പത്തു പ്രാവശ്യമെങ്കിലും എന്നെ വിളിക്കുന്നു, കുശലം അന്വേഷിക്കുന്നു, വോട്ട് ചോദിക്കുന്നു ഒന്നും പറയണ്ട എന്തൊരു പരിചയം, ഹാ ഹാ !!!. പക്ഷെ അതിനെച്ചൊല്ലി ഒരു ലേഖനം എഴുതുവാൻ ഞാൻ തയാറല്ല. കാരണം ഞാൻ ആരാണെന്നുളത് എനിക്കുതന്നെ അറിയാം. ഇന്നുവരെ ജോലി ചെയ്തിട്ടില്ല, കാരണം ഞാൻ ഒരു ജോലിക്കും യോഗ്യനല്ല. പിന്നെ ഭാര്യ ജോലി ചെയ്യുന്നുണ്ട്. അവളെ കൊണ്ടുവിടും കൊണ്ടുവരും ഇതൊക്കെയാണ് പ്രധാന പണി. എന്നിട്ടും എത്രയോ പേരാണ് വിളിക്കുന്നത്. ഒരു ഡെലിഗേറ്റ് ആയതു ഭാഗ്യം തന്നെ. ഇതൊരു പ്രത്യേക സുഖം തനിയാണ്. ഫോമാ നീണാൾ വാഴട്ടെ.