ന്യൂഡല്‍ഹി: സിപിഎം ഇടുക്കി ജില്ലാ സെക്രട്ടറി എം.എം. മണിയുടെ വിവാദ പ്രസംഗത്തെക്കുറിച്ചുള്ള നിലപാട് പാര്‍ട്ടി വ്യക്തമാക്കിക്കഴിഞ്ഞതാണെന്ന് സിപിഎം ജനറല്‍ സെക്രട്ടറി പ്രകാശ് കാരാട്ട് പറഞ്ഞു. പാറ്റ്നയില്‍ നിന്ന് ഡല്‍ഹിയില്‍ മടങ്ങിയെത്തിയശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു കാരാട്ട്. ഇതു സംബന്ധിച്ച കൂടുതല്‍ ചോദ്യങ്ങളോട് കാരാട്ട് പ്രതികരിച്ചില്ല. മണിക്കെതിരെ അച്ചടക്ക നടപടി വേണമോയെന്ന കാര്യത്തില്‍ അന്തിമ തീരുമാനം പ്രകാശ് കാരാട്ട് മടങ്ങിയെത്തിയ ശേഷം കൈക്കൊള്ളുമെന്ന് പോളിറ്റ്ബ്യൂറോ അംഗം സീതാറാം യെച്ചൂരി ഇന്നലെ വ്യക്തമാക്കിയിരുന്നു