വൈപ്പിന്‍: തലമുടിവെട്ടിയത് ശരിയായില്ലെന്ന് പറഞ്ഞ് വീട്ടുകാര്‍ ശകാരിച്ചതിനെ തുടര്‍ന്ന് വീടുവിട്ടുപോയ എഴാം ക്ളാസ് വിദ്യാര്‍ഥിയുടെ മൃതദേഹം കായലില്‍ കണ്െടത്തി. ഞാറക്കല്‍ പുലയാസ് കോളനിയില്‍ കണ്ടത്തിപ്പറമ്പില്‍ ജോസഫ് ജെ ഡിസില്‍വയുടെ മകന്‍ ജെറാള്‍ഡ് ഡിസില്‍വ-13യുടെ മൃതദേഹമാണ് ഇന്നലെ രാത്രി ഏഴിന് ഞാറക്കല്‍ വലിയവട്ടം കായലില്‍ കണ്െടത്തിയത്. ശനിയാഴ്ച കടയില്‍ പോയി മുടിവെട്ടിവന്ന കുട്ടിയെ മുടി ഫാഷനില്‍ വെട്ടിയതിനെ തുടര്‍ന്ന് വീട്ടുകാര്‍ ശകാരിച്ചിരുന്നു. ഇതേ തുടര്‍ന്ന് വീണ്ടും മുടിവെട്ടാന്‍ പോയ കുട്ടിയെ രാത്രി വൈകിയും കാണാതിരുന്നതിനെ തുടര്‍ന്ന് ഫോര്‍ട്ടു കൊച്ചിയിലുള്ള അമ്മവീട്ടിലും മറ്റു ബന്ധുക്കളുടെ വീട്ടിലും അന്വേഷിച്ചിരുന്നു. കണ്െടത്താതായപ്പോള്‍ പോലീസില്‍ പരാതി നല്‍കുകയും കേസെടുക്കുകയും ചെയ്തിരുന്നു. ഞാറക്കല്‍ സെന്റ്മേരീസ് സ്കൂള്‍ ഏഴാം ക്ളാസ് വിദ്യാര്‍ഥിയാണ്.