കെവിന് വധക്കേസില് കുറ്റക്കാരാണെന്ന് കണ്ടെത്തിയ 10 പ്രതികള്ക്കും ഇരട്ട ജീവപര്യന്തം.കേരളത്തിലെ ആദ്യത്തെ ദുരഭിമാനക്കൊലയായി കേസ് പരിഗണിച്ചാണ് ശിക്ഷ്. ശിക്ഷ ഒരുമിച്ച് അനുഭവിച്ചാല് മതിയെന്ന് കോടതി. കേസ് അപൂര്വങ്ങളില് അപൂര്വമെന്ന് കാടതി.
പ്രതികള്ക്ക് 40,000 രൂപ വീതംപിഴ. പിഴ തുകയില് ഒരു ലക്ഷം രൂപ മുഖ്യസാക്ഷി അനീഷ് സെബാസ്റ്റ്യനു നല്കണം. ബാക്കി തുക തുല്യമായി വീതിച്ച് കെവിന്റെ ഭാര്യ നീനുവിനും പിതാവ് ജോസഫിനും നല്കണം.
1,2,3,4,6,7,8,9,11,12 എന്നീ പ്രതികള് കുറ്റക്കാരാണെന്ന് കോടതി കണ്ടെത്തി. കോട്ടയം പ്രിന്സിപ്പല് സെഷന്സ് കോടതിയാണ് റെക്കോര്ഡ് വേഗത്തില് വിധി പ്രസ്താവിച്ചത്.
ആറ് മാസത്തിനകം കേസിന്റെ വിചാരണ പൂര്ത്തിയാക്കാന് ഹൈക്കോടതി നിര്ദേശിച്ചിരുന്നു. മൂന്നു മാസത്തിനുള്ളില് വിചാരണ പൂര്ത്തിയാക്കി്. കെവിന്റെ ഭാര്യ നീനുവിന്റെ അച്ഛന് ചാക്കോയും സഹോദരന് ഷിനോ ചാക്കോയും ഉള്പ്പടെ 14 പ്രതികളാണ് കെവിന് വധക്കേസിലുള്ളത്.