ഫ്ളോറിഡ: ഫോമയുടെ മുതിര്ന്ന നേതാവും, യോങ്കേഴ്സ്
മലയാളി അസോസിയേഷന് (വൈ.എം.എ), അറ്റ്ലാന്റാ മെട്രോ മലയാളി അസോസിയേഷന് (അമ്മ)
തുടങ്ങി വിവിധ അസോസിയേഷനുകളുടെ സാരഥിയുമായ ജോണ്സണ് ചെറിയാന് (കൊച്ചുമോന്) ഫോമ
റീജിയന് -6 സൗത്ത് ഈസ്റ്റ്, ജോര്ജിയ, ഫ്ളോറിഡയില് നിന്നും റീജിയണല് വൈസ്
പ്രസിഡന്റായി (ആര്.വി.പി) മത്സരിക്കുന്നു. പ്രസ്തുത റീജിയണിലെ ഭൂരിഭാഗം
അസോസിയേഷനുകളും, ജോണ്സണ് ചെറിയാന് പിന്തുണയുമായി രംഗത്തുണ്ട്.
കഴിഞ്ഞ
24 വര്ഷക്കാലമായി അമേരിക്കയില് അധിവസിക്കുന്ന ജോണ്സണ് വിവിധ
സമൂഹ്യ-സാംസ്കാരിക-കലാരംഗങ്ങളില് ദേശീയ ശ്രദ്ധ നേടിയിട്ടുണ്ട്. കൂടാതെ
ഇന്ത്യയിലും അമേരിക്കയിലുമായി മറ്റ് നിരവധി പദവികളും അലങ്കരിച്ചിട്ടുണ്ട്.
അമേരിക്കന് മലയാളികള് ഉറ്റുനോക്കിയിരിക്കുന്ന ഫെഡറേഷന് ഓഫ് മലയാളി
അസോസിയേഷന്സ് ഓഫ് അമേരിക്കാസ് (ഫോമ)-ന്റെ 2016 ഫ്ളോറിഡാ കണ്വന്ഷന്
വിജയിപ്പിക്കുവാനും, സംഘടനയുടെ കെട്ടുറപ്പിനും നൂതന കര്മ്മപരിപാടികള്
റീജിയനുകളുമായി ആലോചിച്ച് നടപ്പിലാക്കുവാനും താന് പ്രതിജ്ഞാബദ്ധനാണെന്ന്
ജോണ്സണ് ചെറിയാന് പ്രസ്താവിച്ചു.
കോട്ടയം മണര്കാട് സ്വദേശിയും
ഇപ്പോള് അറ്റ്ലാന്റയില് സ്ഥിരതാമസമാക്കിയിരിക്കുന്ന ജോണ്സണ് `ജെയ്സ്
എന്റര്പ്രൈസസ്' സ്ഥാപനങ്ങളുടെ ഉടമയുമാണ്. ഭാര്യ: മിനി. മക്കള്: കെന്നി, ജെന്നി.