ഹരിദ്വാറില് തിക്കിലും തിരക്കിലുംപെട്ട് 16 പേര് മരിച്ചു
Published on 08 November, 2011
ഹരിദ്വാര്: ഹരിദ്വാറിലെ ചാന്ദിദ്വീപ് പ്രദേശത്തെ ആശ്രമത്തില് തിക്കിലും
തിരക്കിലുംപെട്ട് 16 പേര് മരിച്ചു. നിരവധി പേര്ക്ക് പരിക്കേറ്റു.
യാഗത്തില് പങ്കെടുക്കാന് എത്തിയ ഭക്തര് കൂട്ടത്തോടെ ശാന്തികുഞ്ജ്
ആശ്രമത്തിലേക്ക് പ്രവേശിക്കാന് ശ്രമിച്ചതോടെയാണ് തിക്കും തിരക്കും
ഉണ്ടായത്. മരണസംഖ്യ ഉയരാന് ഇടയുണ്ട്.
ആശ്രമം സ്ഥാപകന് പണ്ഡിറ്റ് ശ്രീരാം ശര്മ്മയുടെ നൂറാം ജന്മദിനത്തോട്
അനുബന്ധിച്ച് നടത്തിയ യാഗത്തില് പങ്കെടുക്കാനാണ് നിരവധി ഭക്തര് എത്തിയത്.
പരിക്കേറ്റവരില് രണ്ടുപേരുടെ നില ഗുരുതരമാണ്. മൃതദേഹങ്ങള്
സംഭവസ്ഥലത്തുനിന്ന് നീക്കം ചെയ്തുവെന്ന് ഗായത്രി പരിപാര് സംഘടനാ
പ്രവര്ത്തകര് പറഞ്ഞു. 50 ലക്ഷത്തിലേറെ പേര് ചടങ്ങില് പങ്കെടുക്കാന്
എത്തിയിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല