ആരതു വിഭാവനം ചെയ്തു ?
ആരതിന്നടിത്തറ കോരി ?
ആരാണു ചെങ്കല്ലു വിരിച്ചേ ?
ആരു പിന്നെ കോണ്ക്രീറ്റു സ്ലേബു പാകി ?
ഏതുപേര് ഫലകത്തില് കൊത്തി ?
ഏതാള്രൂപം പീഠത്തില് നിന്നു ?
ഏതു ഭാഷയില് ലിഖിതം ചാര്ത്തി ?
കാളവണ്ടിയും നാട്ടാരും
പല്ലുചക്രവും കുതിരക്കാലും
കൂറ്റന്ച്ചക്രട്ടയറും ഉരുളവേ
ഗര്ഭസ്ഥ ശിശുവിനെ പേരിട്ടൂട്ടും
വളര്ത്തച്ഛന്രെ ഞൊണ്ടിച്ചുവടുകള്
മറവില് ഒളിഞ്ഞുനിന്നു
കണ്ടതോര്ത്തു
പേര്ത്തു ചിരിക്കുക !
സന്ദര്ഭകാണ്ഡ കര്മ്മസ്വരം
മുറിച്ചടര്ത്തിയ
തത്ത്വശാസ്ത്രസംഹിത
സൌകര്യ വേദാന്തമാക്കും
അധുനാതന കര്മ്മസൂക്തം !
എന്റെ ജോലിക്കു മാസശമ്പളം
തന്റെ കണക്കില് ചേര്ക്കല്
എത്ര മനോജ്ഞം , മനോഹരം !
എന്റെ താളിലെ മനനാക്ഷരങ്ങള്
നിന്റെ ചോര്ത്തലിന് വക്രോക്തിയില്
താരനിര്ണ്ണയം ഉദയനെന്നു
പടിഞ്ഞാറും പല്ലവിയാക്കും !