chintha-matham

വിദ്യാഭ്യാസ- സാമൂഹികരംഗങ്ങളില്‍ വിപ്ലവകരമായ മാറ്റം സൃഷ്ടിക്കാന്‍ മലങ്കര കത്തോലിക്കാസഭയ്ക്കു കഴിഞ്ഞു: മന്ത്രി കെ.സി. ജോസഫ്

Published

on


പുന്നമൂട്: വിദ്യാഭ്യാസ- സാമൂഹികരംഗത്ത് വിപ്ലവകരമായ മാറ്റം സൃഷ്ടിക്കാന്‍ മലങ്കര കത്തോലിക്കാസഭയ്ക്കു കഴിഞ്ഞെന്ന് സാംസ്‌കാരികമന്ത്രി കെ.സി. ജോസഫ്. മലങ്കര സുറിയാനി കത്തോലിക്കാസഭ 83-ാം പുനരൈക്യവാര്‍ഷികസഭാസംഗമത്തോടനുബന്ധിച്ചു മലങ്കര സുറിയാനി കത്തോലിക്കാസഭ രാഷ്ട്രനിര്‍മിതിയില്‍ നിര്‍വഹിക്കുന്ന പങ്ക് എന്ന വിഷയത്തില്‍ നടത്തിയ സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. 

സഭ സമൂഹത്തില്‍ചെയ്യുന്ന മികച്ച സേവനങ്ങള്‍ സഭയെ നേട്ടങ്ങളുടെ പാതയിലെത്തിച്ചു. വിദ്യാഭ്യാസരംഗത്തെയും ആതുരരംഗത്തെയും ഇന്നുകാണുന്ന പുരോഗതിക്ക് മലങ്കര കത്തോലിക്കാസഭ നല്കിയ സംഭാവനകള്‍ ആര്‍ക്കും വിസ്മരിക്കാന്‍ കഴിയില്ലെന്നും അദ്ദേഹം പറഞ്ഞു. ഉന്നത വിദ്യാഭ്യാസരംഗത്ത് പക്ഷേ, കേരളം ഇപ്പോഴും പിന്നോക്കാവസ്ഥ നേരിടുകയാണ്. ഈ മേഖലയില്‍ സ്വാശ്രയസ്ഥാപനങ്ങള്‍ ആരംഭിക്കുന്നതിന് അന്നത്തെ മുഖ്യമന്ത്രി എ.കെ. ആന്റണി സ്വീകരിച്ച നിലപാടുകള്‍ സ്വാഗതാര്‍ഹമാണ്. കേരളത്തിലെ വിദ്യാര്‍ഥികള്‍ക്ക് അവര്‍ ആഗ്രഹിക്കുന്ന കോഴ്‌സ് പഠിക്കാന്‍ നമ്മുടെ സംസ്ഥാനത്ത് സാഹചര്യമൊരുക്കണം. വിദ്യാഭ്യാസരംഗത്ത് മാറ്റങ്ങള്‍ ഉള്‍ക്കൊണ്ട് ദീര്‍ഘവീക്ഷണത്തോടെ പോയില്ലെങ്കില്‍ വിദ്യാര്‍ഥികളുടെ ഭാവിക്ക് കനത്ത വില നല്‌കേണ്ടിവരും. മറ്റ് സംസ്ഥാനങ്ങള്‍ അടിസ്ഥാനവികസനരംഗത്ത് പുരോഗതി കൈവരിച്ചപ്പോള്‍ വിശാലമായ റോഡുകളും പാലങ്ങളും ഇന്നും കേരളത്തിന് സ്വപ്നം കാണാനേ ഭാഗ്യമുള്ളു. ചൈനയില്‍പോലും വമ്പിച്ച മാറ്റം കൈവന്നു. ഇന്നവിടെ കമ്യൂണിസം കാണാന്‍ കഴിയില്ല. 

നാടിന്റെ വികസനം ചര്‍ച്ച ചെയ്യാന്‍ കഴിയാതെ വിവാദങ്ങള്‍ക്കു പിന്നാലെ പോകാനാണ് എല്ലാവര്‍ക്കും താല്പര്യം. വികസനരംഗത്ത് രാഷ്ട്രീയ കൂട്ടായ്മ വേണം. വിവാദങ്ങള്‍ക്ക് അവധി നല്കി കേരളത്തിന്റെ വികസനം ചര്‍ച്ചചെയ്യാന്‍ എല്ലാവരും തയാറാകണമെന്നും മന്ത്രി പറഞ്ഞു. മൂവാറ്റുപുഴ രൂപതാധ്യക്ഷന്‍ ഏബ്രഹാം മാര്‍ യൂലിയോസ് അധ്യക്ഷത വഹിച്ചു. ക്രാന്തദര്‍ശനത്തോടെ നിധീരിക്കല്‍ മാണിക്കത്തനാര്‍ നസ്രാണിദീപികയില്‍ മലങ്കര കത്തോലിക്കാസഭയില്‍ എങ്ങനെയായിത്തീരണമെന്ന് വര്‍ഷങ്ങള്‍ക്കുമുമ്പ് മുഖപ്രസംഗമെഴുതിയത് മലങ്കര സഭയ്ക്ക് ഊര്‍ജം പകര്‍ന്നു. വിശാലമായ കാഴ്ചപ്പാടോടെ ലോകത്തെ നന്മയുടെ പാതയില്‍ നോക്കിക്കണ്ട് പ്രവര്‍ത്തിക്കാന്‍ മലങ്കര കത്തോലിക്കാസഭയ്ക്ക് കഴിയുന്നുണെ്ടന്നു ബിഷപ് ഏബ്രഹാം മാര്‍ യൂലിയോസ് പറഞ്ഞു. 

ജയില്‍ ഡിജിപി അലക്‌സാണ്ടര്‍ ജേക്കബ് മുഖ്യപ്രഭാഷണം നടത്തി. ജാതിവിവേചനം നിലനിന്ന സാമൂഹ്യഅന്തരീക്ഷത്തില്‍ പിന്നോക്കം നിന്ന ജനവിഭാഗത്തെ മുഖ്യധാരയിലെത്തിക്കാന്‍ മലങ്കര കത്തോലിക്കാസഭയുടെ പ്രവര്‍ത്തനങ്ങള്‍കൊണ്ട് കഴിഞ്ഞെന്നും ഭാരതവത്കരണം ശരിയായ രീതിയില്‍ പിന്‍തുടര്‍ന്ന പ്രവര്‍ത്തനമാണ് സഭയുടേതെന്നും അലക്‌സാണ്ടര്‍ ജേക്കബ് പറഞ്ഞു. 

കാരിത്താസ് ഇന്ത്യയുടെ മുന്‍ഡയറക്ടര്‍ ഫാ. വര്‍ഗീസ് മറ്റമന, സാമ്പത്തികവിദഗ്ധന്‍ ഡോ. തോമസുകുട്ടി പനച്ചിക്കല്‍, സിസ്റ്റര്‍ ലില്ലി തോമസ് ഡിഎം എന്നിവര്‍ പ്രബന്ധങ്ങള്‍ അവതരിപ്പിച്ചു. മുന്‍ചീഫ് സെക്രട്ടറി ജോണ്‍ മത്തായി ഐഎഎസ്, കൊച്ചിന്‍ പോര്‍ട്ട ട്രസ്റ്റ് മുന്‍ ചെയര്‍മാന്‍ ജേക്കബ് തോമസ് ഐഎഎസ്, മാര്‍ ഈവാനിയോസ് കോളജ് അധ്യാപകന്‍ ഡോ. എബ്രഹാം ജോസഫ് എന്നിവര്‍ പ്രബന്ധത്തിന് പ്രതികരണങ്ങള്‍ നല്കി. മാവേലിക്കര രൂപതാധ്യക്ഷന്‍ ഡോ. ജോഷ്വ മാര്‍ ഇഗ്നാത്തിയോസ് സ്വാഗതവും പ്രഫ. തോമസുകുട്ടി കൈമലയില്‍ നന്ദിയും പറഞ്ഞു. 

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഐഎസില്‍ ചേരാനായി ഇന്ത്യ വിട്ട നാല് മലയാളികള്‍ കൂടി കൊല്ലപ്പെട്ടു

സത്യജ്വാല July, 2017

ഇടവകയിലെ പത്ത് കുടുംബങ്ങള്‍ക്കെങ്കിലും ശൗചാലയം നിര്‍മ്മിച്ചുനല്‍കാതെ പുതിയ പള്ളിമേടയില്‍ താമസിക്കില്ലെന്ന് ഒരു വൈദികന്‍

റോക്ക് ലാന്‍ഡ് സെന്റ് മേരീസില്‍ ഫാ. ജോസ് മുളങ്ങാട്ടില്‍ നയിക്കുന്ന ധ്യാനം 7,8,9 തീയതികളില്‍

സത്യജ്വാല December 2015

Women’s ordination, moot question, what? reason or sentiment?

Laity Voice, October 2015

സത്യജ്വാല ജൂലൈ ലക്കം: കത്തോലിക്ക സഭയെ നന്നാക്കാന്‍ ഒട്ടേറെ ലേഖനങ്ങള്‍

Laity Voice-July

Synod: No Indian Bishop responds to Papal Call?

സത്യജ്വാല-ജൂണ്‍, 2015

Laity Voice-June

Church or mammon of iniquity worshp? reactions

Laity Voice-May

Who destroys Indian Christian families? Peddlers of pure blood: deadly virus

വംശഹത്യാ പരാമര്‍ശം: വത്തിക്കാന്റെ വെബ്‌സൈറ്റ് ഹാക്ക് ചെയ്തു

Laity Voice-April

കാലാവധിക്കു മുമ്പേ സ്ഥാനത്യാഗം ചെയ്യാനുള്ള സാധ്യത തള്ളിക്കളയാനാവില്ല: പാപ്പാ ഫ്രാന്‍സീസ്‌

ലെയിറ്റി വോയിസ്-March

Missionaries of Charity says RSS chief misinformed

സഭ കല്‍പിച്ചതും മോദി ഇച്ഛിച്ചതും ഒന്ന്

ഇഗ്‌നാത്തിയോസ് അഫ്രേം ദ്വിതീയന്‍ പാത്രിയര്‍ക്കീസ് ബാവയുമായി സിബിസിഐ ലെയ്റ്റി കമ്മീഷന്‍ ചെയര്‍മാന്‍ മാത്യു അറയ്ക്കല്‍ കൂടിക്കാഴ്ച നടത്തി

വിശ്വാസ തര്‍ക്കങ്ങള്‍ക്ക് കോടതികളിലൂടെ പരിഹാരം ഉണ്ടാകില്ല

NY Times editorial continues pattern of disparaging Hindus: HAF

French Muslims seek positive image post Paris attacks

Hindus in Malaysia slam cleric's views on garlanding PM

Pope Opines On Spanking

ലെയിറ്റി വോയിസ്-ഫെബ്രുവരി ലക്കം

What was Gandhi’s Evaluation of RSS?

വിവേകത്തിന്‍െറ ശബ്ദം

View More