ന്യൂഡല്‍ഹി: 2 ജി അഴിമതിക്കേസില്‍ തിഹാര്‍ ജയിലില്‍ കഴിയുന്ന ഡി.എം.കെ എം.പി കനിമൊഴിയുടെ ജാമ്യാപേക്ഷ 17 ന് പരിഗണിക്കും. ജാമ്യാപേക്ഷ ഇന്ന് പരിഗണിക്കേണ്ടതായിരുന്നു. എന്നാല്‍ കനിമൊഴിയുടെയും സി.ബി.ഐയുടെയും അഭിഭാഷകര്‍ ജാമ്യാപേക്ഷ പരിഗണിക്കുന്നത് മാറ്റണമെന്ന് ആവശ്യപ്പെട്ടു.

2 ജി കേസില്‍ കനിമൊഴിക്കും കലൈഞ്ജര്‍ ടി.വി മാനേജിങ് ഡയറക്ടര്‍ ശരത് കുമാറിനുമെതിരെ സി.ബി.ഐ കുറ്റപത്രം സമര്‍പ്പിച്ചശേഷം ഇരുവരുടെയും ജാമ്യാപേക്ഷ 17 ന് പരിഗണിക്കുമെന്ന് പ്രത്യേക കോടതി ജഡ്ജി ഒ.പി സൈനി വ്യക്തമാക്കി. എന്നാല്‍ കേസിലെ മറ്റ് അഞ്ച് പ്രതികളുടെ ജാമ്യാപേക്ഷ തിങ്കളാഴ്ച പരിഗണിക്കും.