ന്യൂഡല്ഹി: രാജ്യത്തെ ഇന്ധനവില വീണ്ടും കൂട്ടുമെന്നുറപ്പായി. പെട്രോള്, ഡീസല്, പാചക വാതക വില വെള്ളിയാഴ്ചയ്ക്കു ശേഷം വര്ദ്ധിപ്പിക്കും. പാര്ലമെന്റിന്റെ വര്ഷകാല സമ്മേളനം വെള്ളിയാഴ്ച അവസാനിച്ചാല് ഉടനെ വിലവര്ധനവുണ്ടാവും.
ഇന്ധന സബ്സിഡി ഇനത്തില് നല്കാന് ഇനി പണമില്ലെന്ന് ധനമന്ത്രാലയം ഇന്ന് അസന്നിഗ്ധമായി വ്യക്തമാക്കിയതോടെ പെട്രോള്, ഡീസല് എന്നിവയുടെ വില കൂട്ടാതെ മറ്റു മാര്ഗ്ഗമില്ലെന്ന അവസ്ഥയിലാണ്. ഡീസലിനും പെട്രോളിനും ലിറ്ററിന് അഞ്ചു രൂപയെങ്കിലും വര്ധിപ്പിക്കാനാണ് സാധ്യത. പാചക വാതകം സിലിണ്ടറൊന്നിന് അന്പതു രൂപയുടെയും വര്ധനയുണ്ടാകും. മണ്ണെണ്ണ വിലയില് നേരിയ വര്ധനയ്ക്ക് മാത്രമാണ് സാധ്യത.