വീഡിയോ വൈറലായ തോടെ ബിജെപിക്ക് ന്യായവാദങ്ങളില്ലാതായി. സ്വന്തം പാർട്ടിക്കാർക്കു പോലും മോദിയില്‍ വിശ്വാസമില്ലാതായി എന്നാണ് പ്രതിപക്ഷത്തിന്‍റെ പ്രചരണം. റാണ പറഞ്ഞത് പരമാർത്ഥമാണെന്നും ഇന്ത്യാ മുന്നണി അധികാരത്തില്‍ വരുമെന്നും ശിവസേന (ഉദ്ധവ് ) നേതാവ് സഞ്ജയ് റാവത്ത് പറഞ്ഞു.

നടിയായ നവനീത്റാണ അമരാവതിയില്‍ കടുത്ത മത്സരമാണ് നേരിടുന്നത്. മാധ്യമ പ്രവർത്തകരെ ഒഴിവാക്കി പാർട്ടി പ്രവർത്തകരോടായി നടത്തിയ പ്രസംഗം വലിയ തലവേദനയായി മാറി. "ഈ തിരഞ്ഞെടുപ്പിനെ ഗ്രാമ പഞ്ചായത്ത് തിരഞ്ഞെടുപ്പെന്ന പോലെ കണക്കാക്കി നമ്മള്‍ സജീവമാകണം. മോദി തരംഗമുണ്ടെന്ന മിഥ്യാബോധവുമായി വീട്ടില്‍ കുത്തിയിരിക്കരുത് . കഴിഞ്ഞ തവണ മോദി തരംഗമുണ്ടായിട്ടും താൻ സ്വതന്ത്ര സ്ഥാനാർത്ഥിയായി വിജയിച്ചു" വെന്നും അവർ പറഞ്ഞു. തിരഞ്ഞെടുപ്പിന് തൊട്ടുമുമ്ബാണ് റാണ ബിജെപിയില്‍ ചേർന്നത്.

നവ് നീത് പറഞ്ഞത് പരമാർത്ഥമാണ്. രാജ്യത്തൊരിടത്തും മോദി തരംഗമില്ല. ബിജെപിയെ ജനങ്ങള്‍ വെറുത്തു തുടങ്ങിയെന്നാണ് എൻസിപി , ശിവസേന, കോണ്‍ഗ്രസ് സഖ്യനേതാക്കള്‍ പറയുന്നത്. പരാജയഭീതി മണത്തിട്ടാണ് പ്രതിപക്ഷ പാർട്ടികളിലെ അഴിമതിക്കാരെ ചാക്കിട്ട് ബി ജെപി പാളയത്തിലേക്ക് കൊണ്ടു പോകുന്നതെന്ന് എൻസിപി ( പവാർ ) നേതാവ് മഹേഷ് തപാസെ പറഞ്ഞു.

നവ്നീത് റാണക്ക് പാർടി ടിക്കറ്റ് നല്‍കിയതില്‍ മണ്ഡലത്തില്‍ കടുത്ത എതിർപ്പ് നിലനില്‍ക്കുമ്ബോഴാണ് അവരുടെ ഈ തുറന്നുപറച്ചില്‍.