ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് താരം മീ ടു ആരോപണങ്ങളെ പറ്റി സംസാരിച്ചത്. ലൊക്കേഷനില്‍ നിന്ന് തനിക്ക് മോശം അനുഭവങ്ങള്‍ ഉണ്ടായിട്ടില്ലെന്നും അത്തരം അനുഭവമുണ്ടായാല്‍ അതിന്റെ ഇരട്ടി തിരിച്ചുകൊടുക്കാന്‍ കഴിയുന്ന വ്യക്തിയാണ് താനെന്നും നടി കൂട്ടിച്ചേര്‍ത്തു.

നമ്മുടെ പ്രശ്‌നങ്ങളില്‍ പലതും നമ്മള്‍ തന്നെ സൃഷ്ടിക്കുന്നതാണ്. ഒരു സെറ്റില്‍ എല്ലാവരുമായി നല്ല രീതിയില്‍ പോയാല്‍ ഒരു തരത്തിലും പ്രശ്‌നം വരില്ല. ഒരാളുമായി കുറെക്കാലം സംസാരിച്ച്‌ പിന്നീട് എന്തെങ്കിലും പറയുമ്ബോള്‍ പഴയകാര്യം വലിച്ചിടുന്നത് തെറ്റാണ്. ഒരു പെണ്ണ് ഒരിക്കലും അങ്ങനെ ചെയ്യരുത്. അന്ന് പറഞ്ഞപ്പോള്‍ തന്നെ അത് എതിര്‍ക്കണമായിരുന്നു. ഒരാള്‍ മറ്റൊരാള്‍ക്കൊപ്പം പോകുന്നത് അവരുടെ ഇഷ്ടമാണ്. എന്നാല്‍ പിന്നീട് അത് പുരുഷനെതിരെ ഉപയോഗിക്കുന്നത് ശരിയല്ല. കൂടെ പോയിട്ട് പിന്നെ അവരെ കരിവാരിതേക്കുന്നത് എന്തിനാണ്. പ്രിയങ്ക ചോദിക്കുന്നു.

ഇത്തരം പ്രശ്‌നങ്ങളില്‍ ആരെങ്കിലും അവരെ ചങ്ങലയില്‍ കെട്ടിവലിച്ച്‌ കൊണ്ടുപോവുകയോ മറ്റോ ചെയ്താല്‍ അത് സത്യമാണ്. എന്നാല്‍ സ്വന്തം ഇഷ്ടപ്രകാരം പോയി കറങ്ങിയടിച്ച്‌ നടന്ന് ഒരു സുപ്രഭാതത്തീല്‍ നിങ്ങള്‍ അങ്ങനെ ചെയ്തില്ലെ എന്ന് ചോദിക്കുന്നതില്‍ എന്ത് കാര്യമാണുള്ളത്. പ്രിയങ്ക ചോദിക്കുന്നു.