2024-2026 വർഷത്തേക്കുള്ള ഫോമയുടെ ജോയിന്റ് ട്രഷറർ സ്ഥാനത്തേക്ക് കേരള അസോസിയേഷൻ ഓഫ് ഒഹായോയുടെ (KAO) മുൻ പ്രസിഡണ്ട് അനുപമ കൃഷ്ണൻ മത്സരിക്കുന്നു. അനു ഇപ്പോൾ ഗ്രേറ്റ് ലേക്സ് വിമൻസ് ഫോറത്തിന്റെ ചെയർപേഴ്സണും ഫോമായുടെ സജീവ പ്രവർത്തകയുമാണ്.

KAO അസോസിയേഷന്റെ പ്രവർത്തനങ്ങളിൽ സജീവമായി ഏർപ്പെട്ടിരിക്കുന്ന അനു 2022-ൽ വൈസ് പ്രസിഡന്റായും 2023-ൽ പ്രസിഡണ്ട് എന്ന നിലയിലും സംഘടനയെ മുൻനിരയിൽ നിന്ന് നയിക്കാനും അതിലെ അംഗങ്ങൾക്കിടയിൽ സൗഹൃദവും കൂട്ടായ്മയും വളർത്താനും കഴിഞ്ഞ പ്രസിഡന്റാണ്.

ഇപ്പോൾ ഗ്രേറ്റ് ലേക്‌സ് വിമൻസ് ഫോറത്തിന്റെ ചെയർപേഴ്‌സൺ എന്ന നിലയിൽ, ഇന്ത്യയിലെ SOS വില്ലേജുകൾക്കായി ഫണ്ട് സ്വരൂപിക്കുന്നതിനുള്ള ജീവകാരുണ്യ ശ്രമങ്ങൾ ഉൾപ്പെടെയുള്ള മേഖലയുടെ പ്രവർത്തനങ്ങളിൽ സജീവമായി ഏർപ്പെട്ടിരിക്കുന്നു.

കമ്മ്യൂണിറ്റിയിലെ ഒരു സജീവ അംഗമാകാനും നോർത്ത് അമേരിക്കയിലെ മലയാളി സമൂഹത്തിന്റെ ആവശ്യങ്ങൾ നിറവേറ്റാനുള്ള അവസരമായും ആണ് ഈ ജോയിൻറ് ട്രഷറർ പദവിയെ അനു നോക്കിക്കാണുന്നത്.

KAO എക്‌സിക്യൂട്ടീവ് ടീമിന്റെയും ഗ്രേറ്റ് ലേക്ക്സ് റീജിയണിന്റെയും എല്ലാ പിന്തുണയും കുടുംബത്തോടൊപ്പം അനുവിനുണ്ട്.

ലൈറ്റിംഗ് വ്യവസായത്തിലെ ഒരു സപ്ലൈ ചെയിൻ കമ്പനിയുടെ ഡയറക്ടറായി അനു പ്രവർത്തിക്കുന്നു. അവരുടെ ഭർത്താവ് സാബു കൃഷ്ണൻ സ്വന്തം ലൈറ്റിംഗ് കമ്പനിയുടെ പ്രസിഡണ്ടും സിഇഒയുമാണ്. അവർ ഇപ്പോൾ ഒഹായോയിലെ അറോറയിലാണ് താമസിക്കുന്നത്.