കാറില് ചാരി നിന്നതിന് ആറ് വയസുകാരനായ ബാലനെ ക്രൂരമായി ആക്രമിച്ച് യുവാവ്. കണ്ണൂര് തലശേരിയില് തിരക്കേറിയ റോഡിലാണ് സംഭവം. ചാരി നിന്നതിന് പൊന്ന്യംപാലം സ്വദേശി മുഹമ്മദ് ശിഹ്ഷാദാണ് (20) കുട്ടിയെ ചോദ്യം ചെയ്ത ശേഷം ദേഹോപദ്രവം ഏല്പ്പിച്ചത്. കുട്ടിയുടെ നടുവിന് നേരെ ഇയാള് ചവിട്ടുകയായിരുന്നു.
തലശേരിയില് തിരക്കേറിയ റോഡില് റോംഗ്സൈഡായി വണ്ടി നിര്ത്തിയിട്ട ശേഷമാണ് ഇയാള് അക്രമം നടത്തിയത്. ഒരു വിവാഹ ആവശ്യത്തിനായി കുടുംബത്തോടൊപ്പം എത്തിയ ശിഹ്ഷാദ് വണ്ടി നിര്ത്തിയ സമയം രാജസ്ഥാന് സ്വദേശികളുടെ മകനായ ഗണേഷ് എന്ന ആറുവയസുകാരന് കാറിന് സൈഡില് ചാരിനിന്നു. ഇത് കണ്ടുവന്ന ശിഹ്ഷാദ് കുട്ടിയെ ചവിട്ടി്.
സംഭവമുണ്ടായ ഉടന് കണ്ടുനിന്നവരില് ചിലര് ഇയാളെ തടഞ്ഞു. . എന്നാല് ഇവരോട് തര്ക്കിച്ച ശേഷം സ്ഥലംവിടുകയായിരുന്നു. പിന്നീട് മണിക്കൂറുകള്ക്ക് ശേഷമാണ് ഇയാളെ വിളിച്ച് വരുത്തി കാര്യം തിരക്കുകയും കാര് കസ്റ്റഡിയിലെടുക്കുകയും ചെയ്തത്.
എന്നാല് ജാമ്യമില്ലാ വകുപ്പ് പ്രകാരം കേസെടുക്കാവുന്ന കുറ്റം ചെയ്ത ഇയാളോട് പോലീസ് പോയിട്ട് നാളെ വരൂ എന്നു പറഞ്ഞ് വിടുകയായിരുന്നു. ഇന്ന് രാവിലെ സംഭവത്തിന്റെ സിസിടിവി ദൃശ്യങ്ങള് പുറത്തു വരികയും സംഭവം വിവാദമാവുകയും ചെയ്തതോടെയാണ് പോലീസ് ഉണര്ന്നു പ്രവര്ത്തിച്ചത്.
സംഭവത്തില് പരിക്കേറ്റ ബാലന് നടുവിന് ഗുരുതര പരിക്കുണ്ട്. കുട്ടിയെ ദൃക്സാക്ഷികളില് ചിലര് ആശുപത്രിയിലെത്തിച്ചു. അതേസമയം സംഭവം ശ്രദ്ധയില്പെട്ടതായും പ്രശ്നത്തില് ഇടപെടുമെന്നും ബാലാവകാശ കമ്മിഷന് ചെയര്മാന് കെ.വി മനോജ് കുമാര് പ്രതികരിച്ചു.
attack aganist 6 year old boy for touch a car