ഫൊമാ കണ്‍വന്‍ഷനില്‍ ബിസിനസ് മീറ്റ് മന്ത്രി റോഷി അഗസ്റ്റിന്‍ ഉദ്ഘാടനം ചെയ്യും. നടനും മുന്‍ കേന്ദ്രമന്ത്രിയുമായ നെപ്പോളിയന്‍ ദുരൈസാമി മുഖ്യപ്രഭാഷണം നടത്തും . സെപ്റ്റംബർ 4-നു 11 മണിക്കാണ് സമ്മേളനം.

ബിജു തോമസ് ലോസന്റെ (ഡാളസ്) നേത്രുത്വത്തിലുള്ള കമ്മിറ്റിയാണ്  ബിസിനസ് മീറ്റിനു ചുക്കാൻ പിടിക്കുന്നത്. ബിസിനസിലേക്കു കൂടുതല്‍ മലയാളികൾ  തല്പരരാകുന്ന  സാഹചര്യത്തില്‍  അവർക്ക് ഉപകാരപ്രദമായ നിര്‍ദേശങ്ങളും വരാവുന്ന പ്രശ്നങ്ങളെപ്പറ്റി മുൻപേ നടന്നവർ   നല്‍കുന്ന  ഉപദേശങ്ങളും ഏറെ പ്രയോജനം ചെയ്യും.

കമ്മിറ്റിയിൽ സംരംഭകർ കൂടിയായ വര്‍ക്കി എബ്രഹാം, ജിബി തോമസ്, രാജ് കുറുപ്പ്, സുജനന്‍, പ്രിന്‍സ് നെച്ചിക്കാട്ട്, ബിജു സ്‌കറിയ, ഷിനു ജോസഫ് എന്നിവരാണുള്ളത്.