ചീഫ് ജസ്റ്റിസ് എന്‍.വി. രമണയുടെ പിന്‍ഗാമിയായാണ് ചുമതലയേല്‍ക്കുന്നത്.

ആഗസ്റ്റ് 27ന് അധികാരമേല്‍ക്കും. 2022 നവംബര്‍ എട്ടിന് അദ്ദേഹം വിരമിക്കും. ബാറില്‍ നിന്നു സുപ്രീംകോടതി ബെഞ്ചിലേക്ക് നേരിട്ടെത്തുന്ന രണ്ടാമത്തെ ചീഫ് ജസ്റ്റിസാണ് യു.യു. ലളിത്.

ബോംബെ ഹൈകോടതിയിലെ മുന്‍ അഡീഷനല്‍ ജഡ്ജിയായിരുന്ന യു.ആര്‍. ലളിതിന്റെ മകനായിരുന്നു യു.യു. ലളിത് 1983ലാണ് ബാറില്‍ അംഗമാകുന്നത്. നേരിട്ട് സുപ്രീംകോടതിയിലേക്കെത്തുന്ന രാജ്യത്തെ ആറാമത്തെ മുതിര്‍ന്ന അഭിഭാഷകനാണ് അദ്ദേഹം.

മുത്തലാഖ് ഭരണഘടന വിരുദ്ധമെന്ന് പ്രഖ്യാപിച്ചതുള്‍പ്പെടെ സുപ്രീംകോടതിയുടെ പല സുപ്രധാന വിധികളും പുറപ്പെടുവിച്ച ബെഞ്ചില്‍ ലളിത് അംഗമായിരുന്നു