മുല്ലപ്പെരിയാര് ഡാമിന്റെ ഷട്ടറുകള് തുറന്നു. മൂന്ന് ഷട്ടറുകളാണ് തുറന്നത്. 30 സെന്റീമീറ്റര് വീതമാണ് ഷട്ടറുകള് ഉയര്ത്തിയിരിക്കുന്നത്. സെക്കന്റില് 534 ഘനയടി വെള്ളമാണ് ആദ്യം പുറത്തേക്ക് ഒഴുക്കിയത്. രണ്ട് മണിക്കൂറിന് ശേഷം ഇത് 1000 ഘനയടിയാക്കി. ഇതേ തുടര്ന്ന് പെരിയാര് തീരത്തുള്ളവര്ക്ക് ജാഗ്രതാ നിര്ദ്ദേശം നല്കിയി.
ഇടുക്കി ജില്ലയിലുണ്ടായിരുന്ന എന്ഡിആര്എഫ് സംഘത്തെ മുല്ലപ്പെരിയാറിലേക്ക് വിന്യസിച്ചു. മാറ്റിപ്പാര്പ്പിക്കല് ആവശ്യമായി വന്നാല് സ്വീകരിക്കേണ്ട എല്ലാ മുന്നൊരുക്കങ്ങളും നടത്തിയിട്ടുണ്ട്. ആശങ്കപ്പെടേണ്ട സാഹചര്യം ഇല്ലെന്നും റവന്യൂ മന്ത്രി കെ രാജന് നേരത്തെ പറഞ്ഞിരുന്നു.
അതേസമയം പ്രദേശത്ത് മഴ കുറഞ്ഞത് ആശ്വാസമേകുന്നുണ്ട്. 137.5 അടിയാണ് പരമാവധി സംഭരിക്കാന് അനുമതിയുള്ള ജലനിരപ്പ്.