രാജ്യത്തെ മൂന്ന് വിവാദ കാര്ഷിക നിയമങ്ങള് പിന്വലിക്കുമെന്ന കേന്ദ്ര സര്ക്കാര് പ്രഖ്യാപനത്തോട് പ്രതികരിച്ച് മുഖ്യമന്ത്രി. സമത്വപൂര്ണമായ ലോകനിര്മ്മിതിയ്ക്കായി നടക്കുന്ന വര്ഗസമരങ്ങളുടെ ചരിത്രത്തിലെ ഉജ്ജ്വലമായ ഒരേടാണ് ഇന്ത്യന് കര്ഷകര് രചിച്ചിരിക്കുന്നത് എന്ന് മുഖ്യമന്ത്രി പിണറായി വിജയന് ഫെയ്സ്ബുക്ക് കുറിപ്പില് പറഞ്ഞു.
മുഖ്യമന്ത്രിയുടെ കുറിപ്പ്:
ഐതിഹാസികമായ കര്ഷക സമരത്തിനു വിജയം കുറിച്ചുകൊണ്ട് കാര്ഷിക നിയമങ്ങള് പിന്വലിക്കപ്പെട്ടിരിക്കുന്നു. സമത്വപൂര്ണമായ ലോകനിര്മ്മിതിയ്ക്കായി നടക്കുന്ന വര്ഗസമരങ്ങളുടെ ചരിത്രത്തിലെ ഉജ്ജ്വലമായ ഒരേടാണ് ഇന്ത്യന് കര്ഷകര് രചിച്ചിരിക്കുന്നത്. വെല്ലുവിളികള് ഏറെയുണ്ടായിട്ടും തളരാതെ പൊരുതിയ കര്ഷകര്ക്ക് അഭിവാദ്യങ്ങള് നേരുന്നു.