വാഷിങ്​ടണ്‍: സാമ്ബത്തിക തട്ടിപ്പിന് ഇന്ത്യ തേടിക്കൊണ്ടിരിക്കുന്ന വജ്രവ്യാപാരി നീരവ് മോദിക്ക് യുഎസിലും തിരിച്ചടി. ബിനാമി ഇടപാടിലൂടെ നീരവ് നിയന്ത്രിച്ചിരുന്ന കമ്ബനിയുമായി ബന്ധപ്പെട്ട സാമ്ബത്തിക തട്ടിപ്പ് കേസില്‍ തുടര്‍ നടപടികള്‍ ഒഴിവാക്കണമെന്ന അപേക്ഷ കോടതി തളളി. ന്യൂയോര്‍ക്കിലെ പാപ്പര്‍ കോടതിയാണ് ഹര്‍ജി തളളിയത്.  

നീരവ്​ മോദിയുടെ ബിനാമി കമ്ബനികളായ ഫയര്‍സ്റ്റാര്‍ ഡയമണ്ട്​, എ ജാഫി, ഫാന്‍റസി എന്നിവയുമായി ബന്ധപ്പെട്ട കേസിലാണ്​ വിധി. കോടതി നിയോഗിച്ച ട്രസ്റ്റി റിച്ചാര്‍ഡ്​ ലെവിന്‍ നീരവ്​ മോദിക്കെതിരായ റിപ്പോര്‍ട്ട്​ കോടതിയില്‍ സമര്‍പ്പിച്ചിരുന്നു.

നീരവ്​ മോദിയെ കൂടാതെ മിഹിര്‍ ബന്‍സാലി, അജയ്​ ഗാന്ധി എന്നിവരും കേസില്‍ ഉള്‍പ്പെടും. ഇവരുടെ തട്ടിപ്പിനെ തുടര്‍ന്ന്​ സാമ്ബത്തിക നഷ്​ടത്തിന്​ ഇരയായവര്‍ക്ക്​ 15 മില്ല്യണ്‍ ഡോളറെങ്കിലും നഷ്​ടപരിഹാരം നല്‍കണമെന്ന്​ ലെവിന്‍ കോടതിയെ അറിയിച്ചിരുന്നു. 

ലെവിന്‍ കോടതിയില്‍ സമര്‍പ്പിച്ച റി​േപ്പാര്‍ട്ടുകള്‍ തള്ളണമെന്നാവശ്യപ്പെട്ടായിരുന്നു നീരവ്​ മോദിയുടെ ഹരജി. വഞ്ചന, വിശ്വാസപരമായ ചുമതലകളുടെ ലംഘനം തുടങ്ങിയവയാണ്​ നീരവ്​ മോദിക്കെതിരെ ചുമത്തിയ കുറ്റങ്ങള്‍.

പഞ്ചാബ്​ നാഷനല്‍ ബാങ്കില്‍നിന്നും മറ്റും കോടികള്‍ തട്ടുന്നതിനായി ​നീരവ്​ മോദി കമ്ബനിയില്‍ വ്യാജ വില്‍പ്പന രേഖകള്‍ സൃഷ്​ടിച്ചതായും ഓഹരി വിലയും കമ്ബനി മൂല്യവും ഉയര്‍ത്തിക്കാട്ടാന്‍ കൃത്രിമമായി ശ്രമിച്ചുവെന്നും 60 പേജ്​ വരുന്ന റിപ്പോര്‍ട്ടിനെ ഉദ്ധരിച്ച്‌​ ഇന്ത്യന്‍ അമേരിക്കന്‍ അറ്റോര്‍ണി രവി ബത്ര പറഞ്ഞു.

പഞ്ചാബ്​ നാഷനല്‍ ബാങ്കില്‍നിന്ന്​ 14,000 കോടി രൂപയുടെ വായ്​പ തട്ടിപ്പ്​ നടത്തിയശേഷം ഇംഗ്ലണ്ടിലേക്ക്​ കടക്കുകയായിരുന്നു നീരവ്​ മോദി. നിലവില്‍ യു.കെയിലെ ജയിലിലാണ്​ നീരവ്​ മോദി. അതേസമയം നീരവ്​ മോദിയെ ഇന്ത്യയിലേക്ക്​ മടക്കികൊണ്ടുവരാന്‍​ കേന്ദ്രസര്‍ക്കാര്‍ ശ്രമം തുടരുന്നുണ്ട്​.