ചെങ്ങന്നൂര്: പത്തനംതിട്ട ജില്ലയില് ശക്തമായ മഴയും മലയിടിച്ചിലും തുടരുന്ന സാഹചര്യത്തില് ചെങ്ങന്നൂര് താലൂക്കില് മുന്നൊരുക്കങ്ങള് ശക്തമാക്കി. പാണ്ടനാട് ആര്കെവി-നാക്കട റോഡിലും നഗരസഭയിലെ മംഗലം, ഇടനാട് ഭാഗങ്ങളിലും, മുളക്കുഴ എന്നിവിടങ്ങളിലെ താഴ്ന്ന പ്രദേശങ്ങളിലും വെള്ളം കയറിയിട്ടുണ്ട്.
തിരുവന്വണ്ടൂര് ഹൈസ്കൂള്, മംഗലം ഓര്ത്തഡോക്സ് പള്ളി, മുളക്കുഴ എംഡി എല്പി സ്കൂളുകളില് രാത്രിയോടെ ക്യാമ്ബുകള് ആരംഭിച്ചു.
ചെങ്ങന്നൂര് നിയോജക മണ്ഡലത്തില് ഇതുവരെ തുറന്ന ഒന്പത് ക്യമ്ബുകളിലായി അന്പതോളം കുടുംബങ്ങളെ മാറ്റി പാര്പ്പിച്ചിട്ടുണ്ട് .മഴയുടെ ശക്തി പൊതുവെ രാവിലെ കുറഞ്ഞെങ്കിലും അപ്പര് കുട്ടനാട് ഉള്പ്പെട്ട മാന്നാര്, ചെന്നിത്തല, പാണ്ടനാട്, തിരുവന്വണ്ടൂര്, പുലിയൂര് മേഖലകളിലെ താഴ്ന്ന പ്രദേശങ്ങളിലും നഗരസഭയില് ഉള്പ്പെട്ട പമ്ബയാറിന്റെ തീരങ്ങളില് വെള്ളെ പൊക്ക ഭീഷണി നിലനില്ക്കുകയാണ്.
ചെങ്ങന്നൂര് – കോഴഞ്ചേരി റോഡിലെ പുത്തന്കാവ് ഭാഗത്തും എംസി റോഡിലെ മുക്കഴ ഭാഗത്തും റോഡിലേക്ക് വെള്ളം കയറി തുടങ്ങിയിട്ടുണ്ട്. ക്യാമ്ബുകളില് കോവിഡ് പശ്ചാത്തലം കണക്കിലെടുത്ത് ആവശ്യമായ ക്രമീകരണങ്ങള് ഒരുക്കിയിട്ടുണ്ട്.