news-updates

പകരക്കാരനില്ലാത്ത അമരക്കാരന്‍ ; തന്ത്രങ്ങളുടെ രാജാവ് ; കിരീടമണിഞ്ഞ് ധോണിപ്പട

ജോബിന്‍സ്

Published

on

രണ്ട് ഐസിസി കിരീടങ്ങള്‍ ഇന്ത്യക്ക് സമ്മാനിച്ച നായകനാണ് മഹന്ദ്രസിംഗ് ധോണി. ഇത്തവണ ചെന്നൈ സൂപ്പര്‍ കിംഗ്‌സ് ധോണിക്ക് പിന്നില്‍ അണിനിരന്നത് രണ്ടും കല്പ്പിച്ചായിരുന്നു. ഐപിഎല്ലിന്റെ അങ്കത്തട്ടിലേയ്ക്ക് ഈ സീസണില്‍ കാലെടുത്ത് വച്ചപ്പോള്‍ തന്നെ കിരീടവുമായേ തിരിച്ചു കയറൂ എന്ന് അവര്‍ ഉറപ്പിച്ചിരുന്നു. ഇടയ്ക്ക് കാലിടറിയപ്പോഴും ആത്മവിശ്വാസം ചോരാതെ അവര്‍ മുന്നോട്ട് കുതിച്ചു . ഒടുവില്‍ അത്തറിന്റെ മണമുള്ള അറേബ്യന്‍ മണലാരണ്യത്തില്‍ മഞ്ഞവസന്തം വിരിയിച്ച് ധോണിപ്പട കിരീടത്തില്‍ മുത്തമിട്ടു. 

ഇന്നലെ നടന്ന കിരീടപ്പോരാട്ടത്തില്‍ കൊല്‍ക്കൊത്തയെ 27 റണ്‍സിനാണ് ചെന്നൈ പരാജയപ്പെടുത്തിയത്. ആദ്യം ബാറ്റ് ചെയ്ത് ചെന്നൈ കൊല്‍ക്കൊത്തയ്ക്ക് മുന്നില്‍ പടുത്തുയര്‍ത്തിയത് 20 ഓവറില്‍ കേവലം മൂന്ന് വിക്കറ്റ് നഷ്ടത്തില്‍ 193 റണ്‍സിന്റെ കൂറ്റന്‍ വിജയലക്ഷ്യമായിരുന്നു. മറുപടി ബാറ്റിംഗിനിറങ്ങിയ കൊല്‍ക്കൊത്തയ്ക്ക് 20 ഓവറില്‍ ഒമ്പത് വിക്കറ്റിന് 165 റണ്‍സെടുക്കാനെ സാധിച്ചുള്ളു. 

കൊല്‍ക്കൊത്തയുടെ ഓപ്പണര്‍മാര്‍ മികച്ച ബാറ്റിംഗാണ് പുറത്തെടുത്തത്. എന്നാല്‍ മറുവശത്ത് ബോളിംഗിന്റേയും ഫീല്‍ഡിംഗിന്റെയും കടിഞ്ഞാണ്‍ ധോണിയെന്ന തന്ത്രശാലിയായ നായകന്‍ കൃത്യമായി നിയന്ത്രിച്ചു. ബാറ്റ്‌സ്മാന്‍മാരെ വരിഞ്ഞുമുറുക്കുന്ന ഫീല്‍ഡിംഗ് പ്ലേസിംഗുകളും അപ്രതീക്ഷിതവും സമ്മര്‍ദ്ദത്തിലാഴ്ത്തുന്നതുമായ ബോളിംഗ് ചേഞ്ചുകളുമടങ്ങുന്ന അസ്ത്രങ്ങള്‍ കൃത്യമായ ഇടവേളകളില്‍ ധോണി തന്റെ ആവനാഴിയില്‍ നിന്നും പുറത്തെടുത്തു. 

ധോണിയുടെ തന്ത്രങ്ങള്‍ക്കുമുന്നില്‍ ചുവടുപിഴച്ച കൊല്‍ക്കൊത്തയ്ക്ക് 27 റണ്‍സ് അകലെ അടിയറവ് പറയേണ്ടി വന്നു. അങ്ങനെ രണ്ട് ഐസിസി കിരീടങ്ങളിലൂടെ രാജ്യത്തിന്റെ അന്തസ് വാനോളമുയര്‍ത്തിയ ധോണിയെന്ന നായകന്‍ ക്ലബ്ബ് ക്രിക്കറ്റിലും പകരക്കാരനില്ലാത്ത അമരക്കാരനാണ് താനെന്ന് തെളിയിച്ചു. 

കോഹ്ലിയും രോഹിത്തുമടക്കം നയിക്കുന്ന ടീമുകള്‍ പാതിവഴിയില്‍ പതറിയപ്പോഴും തല ഉയര്‍ത്തി മങ്ങാത്ത മാറ്റുമായി ധോണിയെന്ന നായകന്‍ പഴയ പ്രതാപത്തില്‍ തന്നെ നിന്നു. കോവിഡിനെ തുടര്‍ന്ന് ഇടയ്ക്ക് ഈ സീസണ്‍ താല്‍ക്കാലികമായി നിര്‍ത്തിയപ്പോള്‍ ടീമംഗങ്ങളെല്ലാം മടങ്ങിപ്പോയിരുന്നു. ആ അവസരത്തില്‍ അവസാനത്തെ ടീമംഗവും സുരക്ഷിതനായി മടങ്ങിയിട്ടേ താന്‍ ഹോട്ടല്‍ വിടൂ എന്നു പ്രഖ്യാപിച്ച് ടീമിനൊപ്പം നിന്ന നായകനായിരുന്നു ധോണി. കളിക്കാരിലേയ്ക്ക് ധോണി പകര്‍ന്നു കൊടുക്കുന്നതും ഈ ഉര്‍ജ്ജം തന്നെയാണ്.

ഇതോടെ 300 ട്വന്റി-ട്വന്റി മത്സരങ്ങളില്‍ നായകനാകുന്ന ആദ്യ താരമെന്ന റെക്കോര്‍ഡും ധോണിക്ക് ലഭിച്ചു. ധോണി കളിക്കുന്ന പത്താമത്തെ ഐപിഎല്‍ ഫൈനലായിരുന്നു ഇത് . ഇതില്‍ ഒമ്പതെണ്ണവും ചെന്നൈയുടെ നായകസ്ഥാനത്തായിരുന്നു ധോണി. ചെന്നൈയുടെ നാലാമത് ഐപില്‍ കിരീടം കൂടിയാണിത്. 



Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

നാഗാലാന്‍ഡില്‍ വെടിവെപ്പിനു പിന്നാലെ സൈനിക ക്യാമ്പിന് നേരെ ആക്രമണം

തലശ്ശേരി ഇന്ദിരാഗാന്ധി ആശുപത്രി തിരഞ്ഞെടുപ്പ്; മമ്പറം ദിവാകരനെ താഴെയിറക്കി, മുഴുവന്‍ സീറ്റും യു.ഡി.എഫ് പിടിച്ചടക്കി

രാജസ്ഥാനില്‍ ഒരു കുടുംബത്തിലെ ഒമ്പത് പേര്‍ക്ക് ഒമിക്രോണ്‍; രാജ്യത്ത് ആകെ രോഗികള്‍ 21

വാര്‍ത്തകള്‍ ഒറ്റനോട്ടത്തില്‍ - ഞായറാഴ്ച (ജോബിന്‍സ്)

'ആഭ്യന്തര മന്ത്രാലയം എന്താണ് ചെയ്യുന്നത്'? നാഗാലാൻഡിലെ സിവിലിയൻ കൊലപാതകത്തിൽ, രാഹുൽ ഗാന്ധി

അനുമതിയില്ലാതെ വാര്‍ത്താ സമ്മേളനങ്ങള്‍ നടത്തരുതെന്ന് ഡിഎംഒമാര്‍ക്ക് നിര്‍ദ്ദേശം

പുതുച്ചേരിയില്‍ കോവിഡ് വാക്‌സിന്‍ നിയമം മൂലം നിര്‍ബന്ധമാക്കി

ഗുരുതര വീഴ്ച ; നാഗാലാന്‍ഡില്‍ 12 ഗ്രാമീണര്‍ സൈന്യത്തിന്റെ വെടിയേറ്റ് മരിച്ചു

വാരണാസിയിലും മധുരയിലും ക്ഷേത്രങ്ങള്‍ നിര്‍മ്മിക്കുന്നതിന് നിയമനിര്‍മ്മാണം വേണമെന്ന് തൊഗാഡിയ

കോളേജിനുള്ളില്‍ വച്ച് ബിരുദ വിദ്യാര്‍ത്ഥിനിയെ ബലാത്സംഗം ചെയ്തു

നെടുമ്പാശേരിയിലെത്തിയ റഷ്യന്‍ സ്വദേശിക്ക് കോവിഡ് ; ഒമിക്രോണ്‍ പരിശോധന

വഖഫ് നിയമനം : സമസ്തയെ ഒഴിവാക്കി ലീഗ് സമരത്തിന്

കെ.സുധാകരനെതിരെ ഗുരുതര ആരോപണവുമായി മമ്പറം ദിവാകരന്‍

അട്ടപ്പാടിയ്ക്കായി സ്പെഷ്യല്‍ ഇന്റര്‍വെന്‍ഷന്‍ പ്ലാന്‍ തയ്യാറാക്കുമെന്ന് മന്ത്രി വീണാ ജോര്‍ജ്

കടിച്ച പാമ്പിനെ പിടികൂടി നാട്ടുകാരേയും വനപാലകരേയും കാണിച്ചു; യുവാവ് മണിക്കൂറുകള്‍ക്കകം മരിച്ചു

വിദേശത്തേക്ക് കടത്താന്‍ ശ്രമിച്ച 59.65 ലക്ഷം ഡോളര്‍തിരുവനന്തപുരം വിമാനത്താവളത്തില്‍ പിടികൂടി

പ്രതിപക്ഷ നേതാവിന്റെ സ്റ്റാഫ്അംഗത്തെ ആലുവ പോലീസ് അകാരണമായി മര്‍ദ്ദിച്ചെന്ന് പരാതി

വാര്‍ത്തകള്‍ ഒറ്റനോട്ടത്തില്‍ - ശനിയാഴ്ച (ജോബിന്‍സ്)

ഔദാര്യത്തിനല്ല, അവകാശങ്ങള്‍ക്കായാണ് ജനം വരുന്നത്; ഉദ്യോഗസ്ഥ നിലപാടുകൾക്കെതിരെ രൂക്ഷവിമര്‍ശനവുമായി മുഖ്യമന്ത്രി

രസകരമായ യാത്രയൊരുക്കി 'ഭീമന്റെ വഴി'

ഭവനരഹിതനെ തൊഴിച്ച മുന്‍ ഡാളസ് അഗ്നിശമന സേനാംഗത്തിന്റെ സസ്‌പെന്‍ഷന്‍ പിന്‍വലിച്ചു

ഡാലസില്‍ സംയുക്ത ക്രിസ്തുമസ് പുതുവത്സരാഘോഷം ശനിയാഴ്ച്ച വൈകിട്ട് 5 ന്.

നാറാണംമൂഴി പഞ്ചായത്തിനു ഫോമാ തെര്‍മോമീറ്റര്‍ സംഭാവന ചെയ്തു.

ആന്ധ്ര മുന്‍ മുഖ്യമന്ത്രി കെ. റോസയ്യ അന്തരിച്ചു

സംസ്ഥാനത്ത് വാക്‌സിന്‍ സ്വീകരിക്കാത്ത സ്‌കൂള്‍ ജീവനക്കാര്‍ 1707

ലീഡര്‍ഷിപ്പ് കാണിക്കേണ്ടത് സ്ലോമോഷന്‍ വീഡിയോയില്‍ BGM ഇട്ടല്ല ; പിണറായി വിജയനെ പരിഹസിച്ച് ഹരീഷ് വാസുദേവന്‍

ഉദ്ഘാടനത്തിനായി തേങ്ങ ഉടച്ചപ്പോള്‍ പൊട്ടിയത് റോഡ്

മയക്ക് മരുന്നിന് അടിമയായ മകനെ കഴുത്ത് ഞെരിച്ച് കൊന്ന അമ്മ അറസ്റ്റില്‍

ഇന്ന് സഖാവ് സന്ദീപിന്റെ ജന്‍മദിനം ; നീറുന്ന നോവായി ചുവന്ന കുപ്പായം

മോഡലുകളുടെ മരണം ; ലഹരി പാര്‍ട്ടിയില്‍ പങ്കെടുത്തവരുടെ ഫോണുകള്‍ ഓഫ്

View More