ഹൈദരാബാദ്: ഹൈദരാബാദില് ആറു വയസ്സുകാരിയെ ബലാത്സംഗം െചയ്തശേഷം കൊലപ്പെടുത്തിയ കേസില് പ്രതി രാജു റെയില്വേ ട്രാക്കില് മരിച്ചനിലയില്. ആത്മഹത്യയാണെന്ന പ്രാഥമിക സൂചനയാണ് പോലീസ് നല്കുന്നത്. പ്രതിയുടെ ദേഹത്ത് പച്ചകുത്തിയ അടയാളം കണ്ടാണ് മരിച്ചയാളെ തിരിച്ചറിഞ്ഞത്. മൃതദേഹത്തിന്റെ ചിത്രങ്ങളും പോലീസ് പുറത്തുവിട്ടു.
പ്രതിയെ ഏറ്റുമുട്ടലിലൂടെ കൊല്ലണമെന്ന് തെലങ്കാന മന്ത്രി മല്ല റെഡ്ഡി കഴിഞ്ഞ ദിവസം പറഞ്ഞത് വിവാദമായിരുന്നു. 'ബലാത്സംഗികളെയും കൊലപാതകികളേയും ഞങ്ങള് പിടിക്കും. അതിനു ശേഷം അവരെ ഏറ്റുമുട്ടലില് വധിക്കുമെന്നും' മന്ത്രി ഹൈദരാബാദില് മാധ്യമങ്ങളോട് പറഞ്ഞിരുന്നു. പ്രതിയെ സമീപ ഗ്രാമത്തില് നിന്ന് പിടികൂടിയതായി സൂചനയുണ്ടായിരുന്നു. ഇതിനു പിന്നാലെ ഇയാളുടെ മരണവാര്ത്ത വരുന്നതും മന്ത്രിയുടെ പ്രസ്താവനയും പുതിയ വിവാദമായിരിക്കുകയാണ്.
ഈ മാസം 9നാണ് ബാലികയെ വീടിനു പുറത്തുനിന്ന് തട്ടിക്കൊണ്ടുപോയി ബലാത്സംഗം ചെയ്തതും കൊലപ്പെടുത്തിയതും അയല്വാസിയായ രാജുവാണെന്ന് പോലീസ് കണ്ടെത്തിയിരുന്നു. ഇയാളുടെ വീട്ടില് നിന്നാണ് ദേഹം മുഴുവന് മുറിവുകളുമായി ബാലികയുടെ മൃതദേഹം ബഡ്ഷീറ്റില് പൊതിഞ്ഞ് നിലയില് കിടയ്ക്ക്ക്കുള്ളില് ചുരുട്ടി വച്ച നിലയില് കണ്ടെത്തിയത്. സംഭവ സ്ഥലത്തുനിന്നും പ്രതി കടന്നുകളഞ്ഞിരുന്നു.
പെണ്കുട്ടി ബലാത്സംഗത്തിന് ഇരയായെന്നും ശ്വാസംമുട്ടിച്ചാണ് കൊലപ്പെടുത്തിയതെന്നും പോസ്റ്റുമോര്ട്ടത്തില് വ്യക്തമായിരുന്നു.
പ്രതിക്ക് കടുത്ത ശിക്ഷതന്നെ എത്രയും വേഗം നല്കണമെന്നായിരുന്നു നാട്ടുകാരുടെയും രാഷ്ട്രീയ കക്ഷിഭേദമന്യേയുമുള്ള ആവശ്യം. പിടികൂടിയാലും ഏറ്റുമുട്ടലിലൂടെ കൊല്ലണമെന്ന് ആവശ്യം ഉയര്ന്നിരുന്നു.